即時新聞 - 娛樂

屋企生意出問題 林作急賣3千呎豪宅:同媽媽度過難關

林作指家中的經濟環境急轉直下,Call埋地產經紀幫手賣樓。
林作一家住在麥當奴道的3千多呎複式豪宅。

前大律師林作家境富裕被封為「筍盤」,早前他入娛樂圈發展,簽約范振鋒的娛樂公司,每月收5位數(以萬計)薪金,被對方「包起」3年。不過今日他在社交平台表示要賣樓,直指家中的經濟環境急轉直下,「已經在蘊釀出售(嗰)層所謂豪宅。唔緊要,我孝順,一定會同媽媽一齊度過難關。所謂簽約入行,都係因為咁 #下海 #地產經紀請揮手 #誓要做小白臉唔係講笑」。

去年林作媽媽以6千多萬購入麥當奴道的3千多呎複式豪宅,有傳當時買來用作林作與麥明詩結婚之用,不過二人最後分手收場。林作接受傳媒訪問時表示媽媽的生意似是急需錢周轉,賣樓套現是可行的辦法,他更希望打入內地市場搵銀幫補。

想睇最新消息,立即 like 頭條日報FB專頁!

鬧爆完又冇回事 靚靚親拍父子沒戴罩踩板