陳惠敏 廿五秒KO拳王
2008年4月30日



  李連杰是中國全國武術五連冠,不過沒有埋身肉搏的擂台經驗,陳惠敏卻是連續兩年打遍東南亞的自由搏擊拳王!如果你年輕或善忘,強烈建議用十分鐘上Youtube,睇下敏哥八三年的東瀛爭霸戰,感受下只花了廿五秒,一記腰馬合一、拼盡全身狠勁揮出的右直拳,打到大阪拳王森崎豪free fall倒下的震撼!

  今年63歲的敏哥話,覺得自己最fit時都打不過的,只有李!小!龍!

  J : 《JET》 陳:陳惠敏

  J : 為甚麼開始練功夫?練的是甚麼功夫?

  陳 : 我是新界長大的客家人,好多後生仔都會學功夫。真正拜師練的是譚家三展拳,亦學過散打,最有用是學boxing,夠直接。所以,有心又有時間,最好學完功夫再學拳擊。

  J : 怎成為武打演員?

  陳 : 我十八、九歲第一份工做獄警,做了兩年幾就轉去做警察,又做了兩年幾,就因為打上司被dismissed。(Wow!)之後我開武館教自由搏擊,又代表香港同陳觀泰去東南亞比賽,呯呯朐帤N打U晒班友仔,連贏1970及1971年兩屆自由搏擊冠軍,直情覺得全東南亞無人夠我打!後來,李小龍過身,邵氏想搵一班真正識打功夫的人拍戲。當時我邊拍戲邊行走江湖,又覺得幾好玩,一拍就三十八年。

  J : 你認為今天功夫演員的地位是否比以前提昇了?

  陳 : 無話提昇或者尊敬鵅A不過咁甯y行功夫片。武打片中國人拍得最叻,你睇荷里活依家都要搵中國人做武指啦!

  J : 跟七十年代比較,今天功夫在銀幕演繹有甚麼差異?

  陳 : 那時製作費有限,靠真功夫去拍,一出場就打餐死,劉家良齯@個鏡頭直落拍二、三十招,記都記到暈。依家舒服到不得了,武術指導度晒出來,三幾下就轉鏡頭,仲有電腦技術搭夠。唔夠勁再加power粉,中一拳一腳飛晒灝誑X薄A觀眾咪以為好勁囉!

  J : 拍了多年武打片,自己最滿意哪幾齣電影?

  陳 : 我拍了一百一十幾部電影,《跳灰》、《舞廳》同《義膽雄心》都幾鍾意,《舞廳》仲係我諗出來的。

  J : 拍戲以外,有沒有真正實戰經驗?

  陳 : 電影界最寸就係我!後生脾氣唔好,一有人撩即刻打,成日上法庭。試過有個打泰拳的白沙力(綽號金邊膝王),話泰拳打贏中國功夫,我三拳就打到佢唭C,我老婆仲驚佢會死,即刻打三條九報警。(依家仲有打交嗎?)無喇,法官講明再打要坐監,幾廿歲坐監好無面口架!

  J :武打明星更容易經歷體能衰退,會如何面對轉型問題?

  陳 : 依家都唔興真打喇,後生乜都夠膽,四樓跳落街真係跳!我最fit大概是1975年,任何動物都一樣,當體能達到巔峰,就會想去侵犯人證明自己,要久唔久郁下先舒服,一到四、五十歲就唔會再有這衝勁。

  J : 倚賴功夫之餘,有真正鑽研演技嗎?

  陳 : 近年我接好多戲都是以演文戲為主,做講義氣的幫會大佬都唔使演啦,張艾嘉  新戲《一個好爸爸》就演一個黑幫老竇。但我不可以做太荒唐太猥瑣的角色,一來我要保持江湖地位,加上仔女大,唔想影響仔女聲譽,就算請我拍三日,我都要睇清楚劇本。

  J : 請說說一些有關武打明星的江湖傳聞?

  陳 : 我見過有個山東師傅用兩隻手指插穿人肚皮,佢完全唔識功夫,隻手唔知點樣廢驉A根本唔可以屈曲,愈練愈硬,可以用手指篤爆玻璃樽!

  J : 誰是你心目中功夫最好及最崇拜的功夫明星?

  陳 : 我認叻,但我都覺得李小龍最叻,我無同佢打過,以佢拳腳的力度、講的理論,真係好少有。佢話打人不是拍戲,姿勢唔使靚,最緊要講速度!上一輩師傅根本沒有這種思想,李小龍的截拳道個名改得好好,截住對手的拳,他將功夫所有繁複細節全部掉下,只保留最直接攻擊!我的拳快、直、重,腳就李小龍叻,佢都讚過我拳好。真正的重拳,峇@聲,沙包直情凹入去。

  J :功夫以外,有沒有其他興趣?

  

 

資料來源 : JET




上一篇文章
(劉美君 再次要你死去活來)
下一篇文章
(烈女 唐詩詠)