※對於劉家輝日前指劉家良病情嚴重,翁靜晶怒斥對方亂U,更澄清丈夫劉家良只是肺炎入院,現時在家休養,肺炎已清。
※翁靜晶指丈夫劉家良只得一個親生胞弟劉家榮,不滿劉家輝扮代表發言。資料圖片
※劉家良師傅為人重情重義,早年劉家輝主演的《Kill Bill 2》首映,亦有畀面撐場。資料圖片

翁靜晶發火:劉家輝最無資格做代表! 扮熟亂U師傅病情
2010年2月6日

  74歲著名功夫導演劉家良,早前因肺炎入院治療,隨即被劉家輝隔空抽水,亂U癌病復發,病情嚴重。老公被人惡意詛咒,大律師翁靜晶怒不可遏,大鬧劉家輝別有居心,又澄清劉家輝跟師傅無血緣關係,絕非劉家人,「司馬昭之心,劉家輝咁黑心咒老人家,我一定追究!」為捍嶽a庭、維護丈夫利益,翁靜晶誓要跟黑心鬼劃清界線。撰文:彭燕燕

  據知,肺炎已清的劉家良師傅,前晚已出院返家休養,獲悉被劉家輝惡意中傷,在周刊亂U「炎就炎,嚴重鶩荂y嚴』儦......。」劉師傅原本極為不滿,惟武術世家出身的他為人寬宏大量,沒有因此動氣,前晚更中氣十足跟鄭少秋講電話。

  「根本無血緣關係!」

  事實歸事實,現為律師的翁靜晶對此惡意中傷及抹黑極為不滿,對報道指師傅因淋巴癌病復發入院一事,解釋說:「師傅因為傷風引發肺炎,有氣喘情況出現,入腫瘤科係因為師傅之前病,睇開呢個醫生,所以先入腫瘤科。」

  對劉家輝亂U師傅病情,又抹黑自己,翁靜晶嬲到震說:「劉家良師傅只有一個親生弟弟劉家榮,希望外界唔好再誤會,劉家輝原名冼錦熙,係師傅媽媽當年收佢做契仔,借劉家班個名捧紅佢,大家根本無血緣關係,佢無資格做代表、無資格發言。我打俾劉家輝問過究竟,佢一概否認,話係周刊作料,呢個人別有居心,同類事件唔係第一次發生。」可知對方動機?「師傅退休、做唔到洁A外國片商自然會另覓對象,司馬昭之心,老人家過年過節想開心,講埋鑨洁A好黑心!我要維護老公,同佢劃清界線,今晚會同師傅親弟妹商討追究事宜。」

  

 


上一篇文章
(兩台同步訪問學友 有線足本播無那仱)
下一篇文章
(靚靚大懵未能親賀心潔)