【遊東京必到！】Nintendo粉絲打卡新潮點

Previous Next

不論閣下是Game迷抑或動漫迷，只要是Nintendo粉絲，聽到近期傳來一個又一個好消息，相信都會開心到瞓唔著，甚至想即刻搭飛機去日本。事關日本Nintendo剛在又在東京澀谷PARCO 6樓開設了首家直營店「Nintendo TOKYO」，不但有多達1,000款經典遊戲角色精品畀你掃貨，文具、日用品、零食、毛公仔樣様有，店內亦設有遊戲體驗區，可以試玩近期大熱遊戲，以後去東京，又多個潮聖同打卡嘅好去處，買官方精品一樣可以大舉入手。買精品都唔夠喉，如果明年暑假打算去大阪，仲可以去埋日本環球影城新開嘅「Super Nintendo World」玩餐飽，從官方展示嘅預想圖，呢個以Nintendo遊戲主題打造的主題園區，會將你帶到《Super Mario》國度，裏面除咗有桃公主城堡，仲可以親身落場玩孖寶賽車，雖然預計明年東京奧運期間先起好，不過Nintendo粉絲真係聽到都興奮。

唔講遠嘅，對本地一班玩開Nintendo Switch嘅Game迷，隨住港版網上商店「Nintendo eShop」進行秋季更新，開通了即賣買即下載功能，現在買Game終於唔駛咁轉折，先要進入Nintendo Store購買序號，又要經主機登入eShop兌換，正式同日、美Game迷看齊，買Game又方便咗！

圖：Nintendo、Universal Studios Japan