讚王子同Stephy靚仔靚女 葉念琛：冇人估到佢哋會一齊
導演葉念琛同鄧麗欣（Stephy）合作多年，二人也曾傳緋聞，他現身書展被問到Stephy承認與台灣男團棒棒糖前成員邱勝翊（王子）拍拖，他表示沒有特別去恭喜，如見面先去講，又認為兩人是靚仔、靚女。他說：「之前都識王子，但應該冇人會估到他們會一齊。」問到可會開拍新戲找王子合作？他說：「王子未拍過，我想拍喎！角色就諗下先啦！（邀請Stephy與王子合作拍戲？）我諗依家唔好搞呢啲。」（攝影：羅安強）
22/07/2018 18:32:00
【老鼠都不如】KaKaBall不捨米奇爆喊 張繼聰好羨慕
張繼聰愛女如命，不過囡囡張靖（KaKaBall）揀阿哥張瞻和媽咪謝安琪（Kay）都不揀他，Kay仲爆工人姐姐都鍊贏阿聰，然後他只好扮囡囡最大嗰隻毛公仔，都被老婆搶白：「但我係佢最鍾意嗰隻。」今日阿聰再在社交平台上載KaKaBall去迪士尼跟米奇老鼠合照，不捨回頭攬住米奇係咁喊，阿聰留言：「唔捨得米奇，好可愛，同時好羨慕，都未試過唔捨得我到要喊」，網民留言更搞笑：「爸爸連隻老鼠都不如」、「遲啲佢長大有男朋友，你會更羨慕」，但都有提議：「你買套Costume扮米奇咪可以感受吓」、「唔止機動遊戲，米奇老鼠你都要扮埋」。
22/07/2018 18:04:00
出錢出力 蘇永康携妻兒撐視障小朋友出書
蘇永康與太太馮翠珊及兒子Jazz現身書展，出席《盲毛看世界》活動。蘇康表示這書由一班視障小朋友發揮的文筆，當知道需要資金出書，於是出資支持，雖然這班小朋友有視障，但認為他們睇視野和胸襟比大家更廣闊。蘇康透露早前跟許志安到峇里島玩，對方先行離開趕睇世界盃。他說明明密雲，但當他在戶外兩小時，竟被紫外光曬傷，於是搭飛機時急敷3塊面膜，還叫空姐幫忙將面膜放入電櫃才使用。他說：「我仲用毛巾捽塊面捽甩死皮，但個身甩皮被老婆話我整到成地都係。」（攝影：羅安強）
22/07/2018 17:34:00
卓韻芝10月將未婚夫情趣搬上舞台
卓韻芝現身書展出席講座，被問到未婚夫可有增加其寫作靈感？她稱對方有好多事情可以寫，並以昨日Po文有關其前前前度對她的婚訊表達了醋意一事，阿芝有問未婚夫介不介意她講出來，「佢話我講咩都得，呢個係好高分的答案。」可會跟未婚夫的婚訊期間的趣事集結成書？她表示10月尾會舉行Talk Show，所以在舞台上分享，更笑謂有好多笑料。
22/07/2018 17:14:00
【又再進化？】傅穎米蘭大教堂前玩抖音 網民：鼻哥窿係咁搶戲
傅穎自轉戰內地發展後，每見一次都被指樣貌有進化。昨日她在社交平台上載玩抖音的片段，留言：「第一個抖音 #米蘭大教堂 #學貓叫」，穿鮮紅衣裙在米蘭大教堂前賣萌，好搶！但有網民謂搶戲的是她的鼻哥窿，留言：「一直覺得Theresa好靚，女神級別，但是最近只留意到鼻孔了。點解最近鼻孔一直要搶戲」？
22/07/2018 16:23:00
拍戲12小時再跑2粒鐘 陳松伶讚老公超乎年齡想像
陳松伶現身書展活動，坦言喜歡睇實體書，跟內地演員老公張鐸習慣於床頭擺放書本，她任何種類的書，無論天文地理或愛情小說也會看。松松透露老公正忙於拍電影，現時跟對方經常研究如何拍攝，更笑謂發現人愈大求知慾似小學生，不懂得就想學更多。她說：「好似小學生無分別，點解唔識同水皮，所以跟老公不斷學習。」談到可會考慮修讀課程？松松直言非常願意，如果在北京有好多短期課程，也想學管理、人緣、時間，又認為時間是最重要，更大讚老公是學習對象。她說：「佢超乎年齡想象，拍戲12小時後，放工仲去跑步2小時，我話佢不可以再瘦，咁樣顯得我好肥，佢自制能力比我好好多。」（攝影：羅安強）
22/07/2018 15:15:00
