【TVB黑仔王】台慶綵排遇飛來橫禍 張振朗：我頂得住
隨著電視劇《牛下女高音》畀無線放行，仲做埋台慶劇，張振朗辛辛苦苦拍出嚟嘅作品唔使做倉底貨，兼且收視有26點，叫好叫座，張振朗梗係開心，仲諗住終於可以摵走「地獄黑仔王」封號，點知人算不如天算，諗都諗唔到昨日綵排無線台慶《珍惜香港發放娛樂TVB52年》時又「中獎」，其中一部吊臂錄影機從天而降，傳聞意外撞向張振朗頭部和另外一位無線訓練班學生，受傷一刻嚇親在場所有人，無線即安排二人送院檢查傷勢，好彩只傷及肩膊，且冇斷骨，傷勢不大，回家休息後今日繼續開工。張振朗接受本報記者訪問時報平安，他語帶輕鬆說：「唔使擔心，多謝關心，無撞到個頭講得咁誇張嘅，撞到個膊頭啫，所以頂得順嘅。」
19/11/2019 00:09:00
【頭條獨家】誓要4年儲300萬老婆本 龐景峰月使6千好慳家
郭秀雲兒子龐景峰（Andrew）與拍拖兩年的女友何佩珈（Peggy）都鍾意狗，去年有朋友的秋田犬生咗狗仔就送了隻給他，他終如願以償有自己愛犬「梳打」。日前Andrew與Peggy一齊去灣仔添馬艦公園放狗，兩人愛錫梳打如自己個仔一樣。問二人想結婚生仔嗎？Andrew直言Peggy仲要讀4年書，他現以拍戲、唱歌、賣波鞋和開武術演藝學院，四管齊下望儲到300萬結婚，他更承諾會將搵到嘅錢全數畀晒未來老婆，Peggy冧晒啦！撰文：李佩儀 攝影：李權威
18/11/2019 22:36:00
【一歲生日】舉高細仔Marcus 張栢芝擁三仔自覺好幸福
去年11月，有傳張栢芝未婚誕子，一個月後栢芝派餅承認喜訊，直至今年初有傳媒披露Marcus的出生登記，父親一欄留白，Marcus隨母姓張叫禮承，之後栢芝從未貼過任何關於Marcus的照片。今日晚上八點，栢芝post咗一段片，片中她舉高細仔，隱約可見小朋友容貌，她寫住：「Marcus周歲快樂，擁有三個仔，我很幸福。」
18/11/2019 22:32:00
【打得火熱】川口春奈撻着綜合格鬥家 拍拖放狗香閨過夜
現年24歲的川口春奈14歲是獲選為其中一代「寶礦力少女」，曾在《金田一少年事件簿》劇集系列演過女主角美雪，與「金田一一」山田涼介在12年來港取景，吸引傳媒到九龍城及北角等地追訪報道；最近亦有份演出木村拓哉擔演的新劇《教場》。
18/11/2019 22:05:00
【頭條獨家】行超市撞到朋友好興奮 湯盈盈吹水勁多表情
44歲嘅湯盈盈做咗媽媽之後無晒之前啲邪氣，仲可愛咗。日前傍晚，着咗條爛牛嘅盈盈去銅鑼灣行超市，因為見到佢已經係畀完錢，只知買咗一袋嘢，重點係佢見到朋友，佢好開心係咁吹水，然後佢好多表情，又皺眉又瞪眼又單眼咁，好搞笑。採訪:梁志明
18/11/2019 22:05:00
婚宴後開P愈夜愈High 林志玲換吊帶短裙幫老公剥衫
台灣名模林志玲昨日（17日）跟老公Akira在台南舉行婚禮，晚上於台南美術館一館設宴招待親友，雙方父母、婚禮主持蔡康永、小S（徐熙娣）與老公、邱瓈寬等均有出席婚宴，林志玲就在婚宴上致辭，跟在座都是她人生中非常重要的人說，大家不用再擔心她嫁不出了！婚宴過後，一對新人與賓客又移到晶英酒店開after party，大夥兒愈夜喝得愈多玩得亦愈High，新娘子志玲都開放起來，換上吊帶流蘇短裙起舞，還幫老公剝衫，剝完小背心剝吊帶，當除到恤衫鈕扣，Akira笑著把老婆推開，整理好衣服後又把老婆擁入懷裏，閃爆全場。
18/11/2019 22:00:00
