首頁 PACO名人會

周秀娜識Boxing大派用場 林峯首演反派壓力大

「反貪風暴系列」電影去到第4集《P風暴》,除了古天樂、張智霖和鄭嘉穎主演,還有林家棟繼...
「反貪風暴系列」電影去到第4集《P風暴》,除了古天樂、張智霖和鄭嘉穎主演,還有林家棟繼...(1/1)

                「反貪風暴系列」電影去到第4集《P風暴》,除了古天樂、張智霖和鄭嘉穎主演,還有林家棟繼《Z風暴》後強勢回歸,再夥拍首度加盟的林峯和周秀娜。首演反派的林峯坦言掌握力度要適中,加上要同實力演員如古仔合作,壓力好大。周秀娜則表示戲中有很多動作場口,之前努力練boxing終可大派用場。而每套「風暴」都有份演出的夏嫣,在戲中是打得的ICAC,連林峯和周秀娜都讚勁。

                林峯覺得今次演反派是挑戰,「因為我心入面嗰團火儲咗好耐,一直想演一啲比較唔正常嘅角色,今次算係圓咗我嘅夢。」這次他花更多時間去消化角色,「力度要掌握得好好,等觀眾睇得舒服。」今次他拍住古仔做對手戲,是繼18年前電視劇《尋秦記》後再合作,他稱壓力都大,「我覺得佢嘅氣場再勁咗,尤其係監獄嗰場戲我同佢對立,我要將自己嘅氣場再提高去抗衡。」最搞笑是他諗住演富二代好得閒,他說:「要打叫手下去打咪得囉,點知我呢個角色非常勇,乜嘢都係第一個衝出去先。」

        讚古仔氣場勁

          在戲中演護士的周秀娜與林峯是仇家,她說:「我個角色睇落好柔弱,但因為要避開佢嘅追捕,所以故事交代我要去學打boxing保護自己,其實我喺戲裏面都幾硬淨。」她表示現實中愛做運動,幾年前已開始學打boxing,沒想到今次可大派用場,而且戲中都有幾多動作戲,問她與誰對打多?她笑言:「我唔係同人打,我係畀人打多,又成日畀人追,仲走勻海陸空三個地方,陸地要跑大球場,喺直昇機又有場打戲,仲要落海。」她表示拍攝節奏比以前再緊湊點,最困難是跑緊時仲要交戲。

          由《Z風暴》開始,夏嫣一直都是演ICAC調查員,她說:「今次我係古仔下屬,佢去坐監時,我負責喺外面幫佢查案,又會保護娜姐。」林峯和周秀娜即大讚她打得,周秀娜說:「我記得第一場戲講佢嚟救我,我一落車畀啲好高大嘅人捉,佢好短時間已經打抵晒啲對手,身手好敏捷,佢手長腳長打得又靚。」夏嫣即表示之前拍動作片學過跆拳道,自己亦喜歡中國功夫和太極。

        主持:黃柏高 統籌:林永匡

        協力:李佩儀 攝影:袁東亮、謝民光

        場地:田舍家

        黃柏高

■(右起)Paco與林峯、周秀娜和夏嫣細談拍攝時的點滴。
 ■(右起)Paco與林峯、周秀娜和夏嫣細談拍攝時的點滴。 
■林峯與古天樂是對立的,在監獄的戲更是緊張刺激。
 ■林峯與古天樂是對立的,在監獄的戲更是緊張刺激。 
■夏嫣飾演ICAC調查員,協助鄭嘉穎查案。
 ■夏嫣飾演ICAC調查員,協助鄭嘉穎查案。 
■林峰表示首次演反派是一個挑戰。
 ■林峰表示首次演反派是一個挑戰。 

hd