首頁 日報娛樂

單身鑽女唔寂寞 容祖兒笑晒 Happy陪母消夜

29/03/2018
容媽精神
■近年容媽媽癌病復發,乖女祖兒曾推job照顧病母又搬新屋等。當晚見容媽媽精神唔錯,阿囡放心晒。
容媽精神 ■近年容媽媽癌病復發,乖女祖兒曾推job照顧病母又搬新屋等。當晚見容媽媽精神唔錯,阿囡放心晒。(1/8)
隨和吹水 ■陪母消夜嘅祖兒,笑笑口與店員吹水。
隨和吹水 ■陪母消夜嘅祖兒,笑笑口與店員吹水。(2/8)
獨遊日本
■早於一月初,疑似單身嘅祖兒就一個人出走日本,仲話唔怕寂寞。
獨遊日本 ■早於一月初,疑似單身嘅祖兒就一個人出走日本,仲話唔怕寂寞。(3/8)
侍母至孝 ■早排,祖兒好感恩母親可以「食得瞓得行得」,聖誕節就陪母去迪拜旅行。
侍母至孝 ■早排,祖兒好感恩母親可以「食得瞓得行得」,聖誕節就陪母去迪拜旅行。 (4/8)
搵大師做瑜伽
■日前,祖兒搵埋瑜伽大師蔡一智及其太太齊齊做yoga,大把friend點會悶!
搵大師做瑜伽 ■日前,祖兒搵埋瑜伽大師蔡一智及其太太齊齊做yoga,大把friend點會悶!(5/8)
阿Sa陪元宵 ■回復單身嘅祖兒,元宵夜有好姊妹阿Sa(蔡卓妍)相伴。
阿Sa陪元宵 ■回復單身嘅祖兒,元宵夜有好姊妹阿Sa(蔡卓妍)相伴。(6/8)
拉隊撐彭秀慧
■當晚,祖兒和湯怡(左)、洪卓立(右)等齊睇彭秀慧(中)再演嘅舞台劇《29+1》。
拉隊撐彭秀慧 ■當晚,祖兒和湯怡(左)、洪卓立(右)等齊睇彭秀慧(中)再演嘅舞台劇《29+1》。(7/8)
「龍兒戀」玩完 ■拍拖5年嘅祖兒和劉浩龍早前感情轉淡,和平分手。
「龍兒戀」玩完 ■拍拖5年嘅祖兒和劉浩龍早前感情轉淡,和平分手。(8/8)

  樂壇天后容祖兒和劉浩龍(師兄)嘅5年情早前正式玩完,回復單身嘅祖兒不愁寂寞,除好enjoy分手後獨自外遊嘅快樂,工作排得滿滿嘅佢人緣甚佳,有大批星好友相伴。周日晚上(25日),祖兒率領英皇師弟妹拉隊去撐彭秀慧主演嘅舞台劇後,孝順女再陪有份一齊睇嘅容媽媽轉場去跑馬地食雲吞麵消夜。席間,失戀祖兒全無情傷,心情超靚。眼見病母精神奕奕,侍母至孝嘅祖兒安樂晒,笑得好幸福!

月初,傳出「龍兒戀」情變消息,皆因農曆新年假期袓兒唔在港,反而去咗英國獨遊,之後會合黃偉文(Wyman)一齊shopping,跟住再去澳洲、成都及北京,都是半工作性質,延續獨遊樂趣。連中、西情人節亦未跟男友劉浩龍一起度過,「龍兒戀」分手似層層。最新有指主動提出分手嘅祖兒,曾試過努力經營呢段「女尊男卑」戀情,惜事業上二人差距太大,加上祖兒近年需全副心思照顧患病媽咪,未能兼顧兒女私情,最終與師兄和平分開。

歎鮮蝦雲吞麵

  其實一月初,祖兒曾試過去日本獨遊治療情傷,現已重新出發,寄情工作,難怪分手三個月嘅佢最近被問到分手一事都能從容面對。周日晚,祖兒先帶母親去演藝學院睇導演彭秀慧自編自導自演嘅舞台劇《29+1》。之後11時許,祖兒兩母女偕公司同事齊齊轉場去跑馬地消夜,歎祖傳鮮蝦雲吞麵。兩母女食得開心之餘,祖兒亦好乖女,一早order碗雲吞麵外賣,再叫店員拎畀司機。歎消夜其間,祖兒又談笑風生,好隨和同店員有講有笑,全無架子。逗留大半小時後,孭住個藍色巴黎世家手袋嘅祖兒細心傍實母親步出,見前年癌病復發嘅容媽媽精神唔錯,可能有孝順女悉心照料,康復得快啲囉!

採訪 : 張詠森、李維隆、李權威

其他文章

hd