首頁 日報娛樂

霆鋒愛的料理超級補身 48歲王菲驚現少女味

04/04/2018
48歲少女
平時食盡好嘢嘅王菲,皮膚又白又滑,唔識佢,邊會估到佢48歲。
48歲少女 平時食盡好嘢嘅王菲,皮膚又白又滑,唔識佢,邊會估到佢48歲。(1/8)
無避鏡頭 未有車,王菲行返入名店等候,雖然知有記者,但無話匿埋避鏡頭。
無避鏡頭 未有車,王菲行返入名店等候,雖然知有記者,但無話匿埋避鏡頭。(2/8)
雙手撥髮
王菲一離開名店就撥頭髮,加上露齒笑容,第一次覺得王菲幾可愛。
雙手撥髮 王菲一離開名店就撥頭髮,加上露齒笑容,第一次覺得王菲幾可愛。(3/8)
一支箭咁 七人車一到,王菲就一支箭咁衝上車,助手就拎住兩袋Hermes隨後。
一支箭咁 七人車一到,王菲就一支箭咁衝上車,助手就拎住兩袋Hermes隨後。(4/8)
經常遊埠
霆鋒同王菲一得閒就會去旅行,兩人經常被Fans喺唔同國家嘅機場野生捕獲。
經常遊埠 霆鋒同王菲一得閒就會去旅行,兩人經常被Fans喺唔同國家嘅機場野生捕獲。(5/8)
有女陪伴 去年9月,「嫣然天使基金」舉行慈善晚會,王菲同兩名女兒竇靖童及李嫣結伴出席。
有女陪伴 去年9月,「嫣然天使基金」舉行慈善晚會,王菲同兩名女兒竇靖童及李嫣結伴出席。(6/8)
多謝陳太
之前,王菲同霆鋒相約同喺東京嘅陳奕迅夫婦去唱K,多得徐濠縈,我哋先可以見到王菲企喺Mic Stand前唱歌畀霆鋒聽。
多謝陳太 之前,王菲同霆鋒相約同喺東京嘅陳奕迅夫婦去唱K,多得徐濠縈,我哋先可以見到王菲企喺Mic Stand前唱歌畀霆鋒聽。(7/8)
(8/8)

        謝霆鋒近年突然愛上做大廚,無師自通下愈煮愈出色,口碑加上煮嘢時好有娛樂性嘅肢體動作,Chef Lemon並不是浪得虛名,飲食節目長拍長有。男友仔揸結他又叻,揸鑊鏟又勁,主力歎世界嘅王菲應該最開心。前日下午,久未在港蒲頭嘅王菲去中環名店Shopping,可能經常食霆鋒愛心料理,48歲嘅王菲突然回春,塊面又白又滑,出門口時撥頭髮兼笑一笑嗰刻驚現少女味,震驚13億人口。

        對於霆鋒廚藝,好多人只記得鐵粉威靈頓牛肉同毛巾雞蛋仔,但你咪理,佢最近就為FOX Life喺《名廚爭鋒》同加拿大名廚比賽,霆鋒衝出亞洲向世界名廚出發,好威水啊。

好Kawaii呀

對於下廚,霆鋒好多嘢講,問到會唔會煮嘢食畀另一半食,佢就咁答嘅:「只要我喺屋企就一定會下廚,所以好多親友都會嚟食飯。」至於親友鍾意食咩多?Chef Lemon話:「因為我煮嘅嘢食成日都唔同,佢哋咩都會試。」,簡單嚟講,即係霆鋒識煮好多嘢,又好有創意,煮雞煮牛都有幾百種整法,王菲最幸福。

  食好瞓好自然心情好,心情好就自然皮膚靚,48歲嘅王菲係人辦。當日下晝2點幾,王菲同三個助手去中環太子大廈愛瑪仕Shopping,戴太陽眼鏡,穿銀色風褸加貼身牛,孭背囊嘅王菲春風滿面,行勻幾層掃貨,閃買半個鐘就完事,以為七人車到,王菲行出舖頭門口,撥一撥頭髮再笑一笑,嗰浸遺失幾十年嘅妹子味飄晒出嚟,用可愛形容王菲應該係第一次。助手提一提又返入舖再等一等,其間同店員有講有笑,Cool味無晒。兩分鐘後,七人車到,王菲衝出去上車,助手拎住兩袋Hermes紙袋離開。

採訪:張詠森

其他文章

hd