首頁 日報娛樂

兒童節 溫馨掃禮物 甘比仔女可愛姊弟騷

10/04/2018
幸福笑容
一身潮裝嘅黑超甘比拖實一對仔女,見到仲學和大女秀樺高興到蹦蹦跳,不禁露出幸福笑容。大眼餅印女秀樺孭住個恐龍仔背囊,塗了黑色甲油,開始貪靚嘞!
幸福笑容 一身潮裝嘅黑超甘比拖實一對仔女,見到仲學和大女秀樺高興到蹦蹦跳,不禁露出幸福笑容。大眼餅印女秀樺孭住個恐龍仔背囊,塗了黑色甲油,開始貪靚嘞!(1/8)
小姊弟激鬥 好天真嘅小姊弟雙手交叉放胸,笑笑口互撞!
小姊弟激鬥 好天真嘅小姊弟雙手交叉放胸,笑笑口互撞!(2/8)
仲學趷腳仔
仲學從後抱起姐姐,唔夠力要趷高腳仔好搞笑。
仲學趷腳仔 仲學從後抱起姐姐,唔夠力要趷高腳仔好搞笑。(3/8)
胞姊抱抱 輪到秀樺抱胞弟,仲學即分開腳仔,嚟個樹熊抱抱。
胞姊抱抱 輪到秀樺抱胞弟,仲學即分開腳仔,嚟個樹熊抱抱。(4/8)
薄妝湊仔
餵母乳畀B女嘅甘比,上圍豐滿不少。
薄妝湊仔 餵母乳畀B女嘅甘比,上圍豐滿不少。(5/8)
有商有量 在保鏢包圍下,甘比每次買嘢,都會問吓對仔女意見,係個好媽媽。
有商有量 在保鏢包圍下,甘比每次買嘢,都會問吓對仔女意見,係個好媽媽。(6/8)
復活節送暖
日前,甘比帶大批自製曲奇及蛋糕,送給深水埗區劉葉淑婉自修室中心內兒童。
復活節送暖 日前,甘比帶大批自製曲奇及蛋糕,送給深水埗區劉葉淑婉自修室中心內兒童。(7/8)
恩愛夫婦 病瘉後嘅富商劉鑾雄不時與太太甘比伉儷出活動,恩愛放閃。
恩愛夫婦 病瘉後嘅富商劉鑾雄不時與太太甘比伉儷出活動,恩愛放閃。(8/8)

        39歲嘅甘比(陳凱韻)前年底成為富商劉鑾雄太太後,身家超過670億元。但富媽媽勁有善心,今年一月底誕下7磅孻女Josie後,坐月無耐即協助丈夫嘅慈善基金親身落區行善,給子女做好榜樣。日前兒童節,着上潮裝嘅甘比帶一對寶貝仔女(9歲秀樺和5歲仲學)加三位保鏢,浩浩蕩蕩現身銅鑼灣利園大手買玩具、朱古力等。其間,一對活潑小寶貝笑笑口似玩「超人打怪獸」,撞吓抱吓又攬吓,小姊弟相親相愛勁sweet,善心媽都露出幸福笑容呢!

        身家豐厚嘅劉太甘比,多年嚟除堅持親自接送一對仔女返學放學,又會貼地帶小朋友去冒險樂園親子樂。最難得就係佢教導有方,小寶貝乖巧有禮,全無公子公主病。上周兒童節,甘比照顧完小B女,下午即打扮靚靚出動,湊仔女去利園掃玩具。產後修身不少嘅甘比,當日薄施脂粉、精神不俗穿上售價$15,900嘅Balenciaga Athletic top dress,配對大約8千蚊嘅Stella McCartney綁帶wedges。而一向係Hermes尊貴用家嘅佢,當日改用$25,900嘅CHANEL新款手袋。黑超架頭嘅甘比先帶仔女入一間精品店揀禮物,揀了卡通水樽、餐具、風箏等,仲幫B女揀埋一份。

Cute爆仲學撩玩

  逗留約半小時,甘比三母女買咗一大袋戰利品由保鏢代拎,轉場落地庫買朱古力等甜品。甘比同子女一齊揀咗一盒雜錦朱古力,再任由仔女自選macaroon(馬卡龍)口味。阿媽簽卡期間,個樣仲好baby嘅大眼仲學,突然雙手交叉放胸前撩胞姊秀樺玩,秀樺見狀有樣學樣,雙手交叉放胸前,輕力撞向胞弟,小姊弟激笑互撞幾吓,似玩緊「打怪獸」咁,好funny。未幾,甘比怕仔女玩得顛,出言溫柔喝止,小姊弟即溫馨互抱,超得意。最後,滿載而歸嘅小姊弟蹦蹦跳拖實媽咪,齊齊上七人車返家。

採訪 : 李維隆

其他文章

hd