首頁 日報娛樂

七位數開台式牛肉麵店 何超蓮誓要搞上市

11/04/2018
招牌食物
何老闆推介枱中嘅招牌食物,包括紅燒招牌三合1,$95,冬瓜檸檬茶加珍珠$31(左),珍珠奶茶$29(右)及豬血糕、豬耳及臭豆腐等等,全部要經過超蓮試味,過到關先可以面世。
招牌食物 何老闆推介枱中嘅招牌食物,包括紅燒招牌三合1,$95,冬瓜檸檬茶加珍珠$31(左),珍珠奶茶$29(右)及豬血糕、豬耳及臭豆腐等等,全部要經過超蓮試味,過到關先可以面世。(1/7)

  26歲的何超蓮投資7位數開設的台式牛肉麵店「玖五」今日在銅鑼灣正式開業,媽咪陳婉珍亦會到場剪綵撐場。對於首度創業,超蓮講到明好緊張,試業期間經已落手落腳,凡事親力親為,開業前甚至失眠,坦承有壓力。超蓮首做事頭婆滿肚大計,先計劃將辦公室搬近灣仔方便日日巡舖,又打算明年喺九龍區開分店,同埋最重要嘅係5年後將麵店上市,所以只許成功,不可失敗!問女神寄情工作咪冇時間拍拖?她笑住幽自己一默:「我決定30歲前專心工作唔拍拖住。哈!我成日叫女仔朋友唔好飲咁多凍嘢,唔好接收咁多冰(兵),我堅持唔鍾意食(冰)兵,亦唔覺有兵出現。」

採訪:方騫平 攝影:李權威

  去年,何超蓮完成家族在澳洲的酒店計劃之後,即換身份成為台式牛肉麵店大老闆,雖然有partner,但她是大股東,故相當着緊,亦雄心壯志。她認真說:「由食物品質、味道、入貨、甚至選用環保可重用餐牌紙質、筷子等等都係親力親為,對公司未來有晒計劃同數據,絕對唔係即興話做就做。」超蓮否認因為前男友吳克群關係而愛上台灣牛肉麵,她說:「我同佢好耐冇聯絡啦,事實上我成日去台灣,喺當地有好多朋友,我同呢間台灣店嘅老闆女相識多年,因為覺得好好味,每次都會去食,而且一邊游說合作大計一邊偷師,最終用誠意打動老闆畀我開香港店。」

三太勸勿食水太深

  為表誠意,超蓮多年來經常去台灣店打躉,仲會入廚房包水餃,但可惜香港店人手唔夠暫時冇得賣水餃。超蓮仲話喺台灣店做過收銀。「有次我冇化妝,有個香港人應該認得我,刻意用廣東話同我對談。」雖然父母無做過飲食生意,但超蓮堅持試新嘢,媽咪仲提醒她做食店唔可以只賣噱頭同名氣,要講食物質素同味道,而且食水唔好咁深,希望顧客可以食多兩碗,只要能夠保持到食物質素就有回頭客。何超蓮好相信自己嘅味蕾,所以經過她試菜後部份食物有改良版,要適合香港人口味,如珍珠奶茶特飲內嘅白珍珠就由番薯粉搓成,較加工過的黑珍珠天然,兼且棄用奶精及糖水,改用牛奶及糖,較少甜及健康。

7位數資金靠儲蓄

  問到26歲的超蓮係咪好恨獨立?她答得輕鬆:「都係時候獨立啦,靠到自己咪靠囉,我唔使屋企幫,乜都係靠自己。我係典型金牛座嘅人,決定咗做嘅嘢會做到最好,其實我好貼地好慳家,平日會坐地鐵出入,細細個開始有儲蓄,對錢銀有概念,唔會唔知價,絕對適合做生意。」

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd