首頁 日報娛樂

拍人妻林夏薇朋友羡慕 陳家樂向John哥祥哥偷師

12/04/2018
■家樂認為拍劇體力上雖辛苦,但獲益良多,有機會都想繼續拍。
■家樂認為拍劇體力上雖辛苦,但獲益良多,有機會都想繼續拍。 (1/6)
■31歲家樂話同24歲女友余香凝感情穩定,但大家仲後生暫未有結婚計劃。
■31歲家樂話同24歲女友余香凝感情穩定,但大家仲後生暫未有結婚計劃。 (2/6)
■家樂劇中又打又鬧John哥和祥哥,幸好前輩給他信心可放膽演。
■家樂劇中又打又鬧John哥和祥哥,幸好前輩給他信心可放膽演。 (3/6)
■勁冧林夏薇的家樂,不怕女友呷醋,因余香凝也大讚對方。
■勁冧林夏薇的家樂,不怕女友呷醋,因余香凝也大讚對方。 (4/6)
■家樂與惠英紅合作電影《幸運是我》令演技開竅,並雙雙在「第七屆澳門國際電影節」分別奪得「最佳男配角」及「最佳女主角」。
■家樂與惠英紅合作電影《幸運是我》令演技開竅,並雙雙在「第七屆澳門國際電影節」分別奪得「最佳男配角」及「最佳女主角」。 (5/6)
■08年家樂參與過《盛裝舞步愛作戰》,同劇仲有趙碩之(右)和衛詩雅(中)。
■08年家樂參與過《盛裝舞步愛作戰》,同劇仲有趙碩之(右)和衛詩雅(中)。 (6/6)

  陳家樂最近相隔10年再拍TVB劇《逆緣》,飾演沉睡了73年的「鍾定國」,跟演其兒子及孫兒的姜大偉(John哥)和黎耀祥有勁多對手戲。要在兩位大前輩面前「頓」起長輩款,最初家樂都好驚青,但獲前輩照顧及提點,反覺有賺。至於能跟林夏薇演一對更令他開心,原來不少朋友都羡慕他跟索爆人妻談情。 採訪:杜淑霞 服裝:izzue

  家樂在08年參與過劇集《盛裝舞步愛作戰》後,已有10年冇拍過TVB劇,所以開拍前他早已收定風做準備,「好多人都話啲時間唔係咁易適應,最初淨係得外景都以為自己無問題,點知開埋廠,夜接日咁開,真係唔講得笑㗎!」

  除了開工時間,面對影帝級的John哥和三屆視帝祥哥,家樂一樣好擔心,「John哥我合作過,知道佢其實好玩得,反而係祥哥,真係未合作過,佢又唔多出聲,對住佢真係有啲怯,而最擔心自己拖累佢哋要NG,點知佢哋兩個都好照顧我,仲成日提點我,畀咗好多意見我,今次真係賺晒呀!」

  至於同林夏薇首次合作演一對,原來不單止家樂高興,連他一班男仔朋友一樣勁High,「我同啲朋友本身都覺得薇薇好索,佢做埋人妻我哋覺得更加正,所以啲朋友知道我同佢演情侶,個個都勁羡慕㗎!所以我同佢拍親熱戲,會特別緊張,最難忘有場咀戲,我冷病咗感冒,要流住鼻水咁拍,真係勁尷尬。」

其他文章

hd