首頁 日報娛樂

浪漫中佬好識做 鄭敬基陪嫩妻放狗

12/04/2018
■之前天氣仲涼涼哋,兩公婆放狗都要加件外套防凍親。
■之前天氣仲涼涼哋,兩公婆放狗都要加件外套防凍親。 (1/6)

  前年,當時53歲嘅鄭敬基同細19年嘅圈外女友Angie結婚,雖然老婆做得佢個女咁滯,但年齡無阻兩人溝通,婚後兩年依然處於蜜月期,鄭生就經常陪做地產嘅老婆開工,陪開工之餘又會陪放狗,今年50有5嘅鄭敬基份人都幾浪漫。

採訪:梁志明

  因為近幾年香港樂壇非常死寂,造就一堆8、90年代歌手復活,觀眾亦好受落,睇吓TVB嘅《流行經典50年》加碼再加碼就知道,而唱得又有經典歌跟身嘅陳年歌手亦樂得事業回春,登台拍戲又拍劇,好開心嗰隻。例子有唔識大嘅鄭敬基,去年尾先同張立基、張衛健及吳國敬去三藩市登台,搵到食又可以過唱歌癮。

狗狗好得意

  日前晚上7點,鄭敬基又去銅鑼灣陪老婆返工,因為無乜生意,鄭太就同老公拖住愛犬出街散步,兩公婆加一頭狗慢慢行,狗仔出街鍾意四圍聞,所以行一小段路都停咗好多次。鄭氏溫馨放狗之旅維持半小時,狗狗街又行完,便又排咗,鄭太拉番愛犬返舖頭。

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd