首頁 日報娛樂

愛犬病逝 勁傷心 張敬軒眼腫出關 失落掃寢具

12/04/2018
人前開心笑
■上月尾,軒仔出席個唱記者會時笑面迎人,無透露愛犬病逝消息,獨自神傷。
人前開心笑 ■上月尾,軒仔出席個唱記者會時笑面迎人,無透露愛犬病逝消息,獨自神傷。(1/9)
素服哀悼 ■全身黑色打扮嘅軒仔,無厘心機拎住手機和銀包去買寢具和毛巾,戴上黑色口罩難掩腫眼倦容。
素服哀悼 ■全身黑色打扮嘅軒仔,無厘心機拎住手機和銀包去買寢具和毛巾,戴上黑色口罩難掩腫眼倦容。(2/9)
鍾情淺灰色
■枕袋和毛巾等,軒仔都偏愛淺灰色。
鍾情淺灰色 ■枕袋和毛巾等,軒仔都偏愛淺灰色。(3/9)
爽手客人 ■軒仔經店員推介下,好快睇中呢張墨綠色薄被。
爽手客人 ■軒仔經店員推介下,好快睇中呢張墨綠色薄被。(4/9)
傢俬迷
■鍾意設計家居嘅軒仔行過傢俬舖,入內睇咗廿分鐘。
傢俬迷 ■鍾意設計家居嘅軒仔行過傢俬舖,入內睇咗廿分鐘。(5/9)
買夠半打 ■軒仔揀啱枕袋、牀單和毛巾後,每樣買夠半打,有排用。
買夠半打 ■軒仔揀啱枕袋、牀單和毛巾後,每樣買夠半打,有排用。(6/9)
搞笑找數
■軒仔早前化身「孖生兄弟」南非騎師麥偉利到旺角派新碟,更搵老友麥長青幫手整蠱Fans!
搞笑找數 ■軒仔早前化身「孖生兄弟」南非騎師麥偉利到旺角派新碟,更搵老友麥長青幫手整蠱Fans!(7/9)
餐廳開張 ■多才多藝嘅軒仔,有份投資嘅懷舊餐廳「仙后餐廳」1月正式開張,獲唱片公司老闆楊受成博士(右六)攜妻兒,及英皇藝人到場支持,順道預早為2月生日嘅軒仔慶生。
餐廳開張 ■多才多藝嘅軒仔,有份投資嘅懷舊餐廳「仙后餐廳」1月正式開張,獲唱片公司老闆楊受成博士(右六)攜妻兒,及英皇藝人到場支持,順道預早為2月生日嘅軒仔慶生。(8/9)
軒仔連日懷念上月20日病逝嘅愛犬飯團,上月尾,佢喺社交網誌撰文謂會替狗仔搞葬禮,專登去百貨公司買牀單、被子,又話離火化日子愈近,不捨和思念就愈深,足見人狗情深。
■軒仔好懷念上月病逝嘅愛犬飯團。
軒仔連日懷念上月20日病逝嘅愛犬飯團,上月尾,佢喺社交網誌撰文謂會替狗仔搞葬禮,專登去百貨公司買牀單、被子,又話離火化日子愈近,不捨和思念就愈深,足見人狗情深。 ■軒仔好懷念上月病逝嘅愛犬飯團。(9/9)

        闊別紅館4年嘅張敬軒,將於6月假紅館舉行4場《HINSIDEOUT演唱會》。現正備戰個唱嘅軒仔,屋企卻傳出噩耗,佢養咗13年嘅狗仔飯團上月病逝,愛心主人勁傷心。上周六(7日)下午,軒仔完成愛犬嘅火化儀式後,終於收拾心情出關,獨自去中環太子大廈嘅高級寢具店買牀單、冷氣被等,迎接春夏。不過,見口罩拉上近眼皮嘅軒仔雙眼腫腫,全程沒精打采揀嘢,就算發現記者都只係勉強笑笑,心情仍好沉重囉!

        6月15至18日重臨紅館開個唱嘅張敬軒,早前興奮現身個唱記者會,透露屆時除咗會演繹自己首本名曲,更會「降兩度」獻唱多位女歌手嘅歌曲,又笑說:「其他歌手要減肥,我要增肥!因為今次嘅服裝比較誇張少少,怕太瘦撐唔起。」軒仔人前咁識搞笑,查實以笑遮悲傷,皆因狗仔病逝,主人非常不捨。

  為愛犬舉行完火化儀式後,軒仔近日已收拾心情,振作出關。上周六下午1時,見佢全身黑色打扮加黑色口罩,獨自現身中環太子大廈二樓嘅高級寢具店。雖然口罩拉近眼皮,仍遮掩唔到軒仔倦容,見他雙目無神、眼腫,似幾日無瞓覺,樣子殘爆。佢先企喺陳列大牀旁邊,伸手摸吓過千針數嘅牀單、枕袋等,夠滑溜,就叫店員一口氣攞6、7盒淺灰色,夠晒主人房和客房用啦!再揀多張墨綠色薄棉被、半打浴巾和毛巾等,豪使約萬元,就爽手碌卡揀送貨。

  大手掃完寢具,軒仔步出店時發現記者都有禮貌揮揮手又勉強一笑,然後再去附近店舖揀相架,似想擺放亡犬舊照,有個紀念。行咗兩間,心事重重嘅軒仔齋睇無買,最後經過家具店和玉石舖,熱愛室內設計及懷舊嘢嘅佢都有入店睇嘢,慢慢睇足半小時,才神情落寞離開,落樓上車走人。

採訪 : 張詠森、

李權威

其他文章

hd