首頁 日報娛樂

全能老婆湊仔女外遊 甄子丹名店買禮冧妻

13/04/2018
Cool樣睇手機殼
■黑超子丹揀手機殼時無乜表情,可能攰到無笑容啦!直到店員埋身,先有傾有講。
Cool樣睇手機殼 ■黑超子丹揀手機殼時無乜表情,可能攰到無笑容啦!直到店員埋身,先有傾有講。(1/6)
(2/6)
揀夠兩個
■子丹睇咗幾分鐘,最後買咗兩個手機殼,老婆阿女一人一個。
揀夠兩個 ■子丹睇咗幾分鐘,最後買咗兩個手機殼,老婆阿女一人一個。(3/6)
上樓睇鞋 ■揀完小禮物,子丹上二樓睇衫睇鞋。
上樓睇鞋 ■揀完小禮物,子丹上二樓睇衫睇鞋。(4/6)
《葉問4》開鏡
■日前,子丹出席《葉問4》開鏡拜神儀式,日內會飛美國拍外景。
《葉問4》開鏡 ■日前,子丹出席《葉問4》開鏡拜神儀式,日內會飛美國拍外景。(5/6)
浪漫夫婦 ■子丹曾講過一年送十幾次花畀老婆詩詩,嚟緊月底太太牛一,唔知人夫plan咗點慶生呢?!
浪漫夫婦 ■子丹曾講過一年送十幾次花畀老婆詩詩,嚟緊月底太太牛一,唔知人夫plan咗點慶生呢?!(6/6)

  「宇宙最強」甄子丹近日一戲接一戲,剛喺內地拍完《肥龍過江》,即開拍其代表作《葉問4》。老公成日拍戲鬼咁忙,子丹愛妻汪詩詩就帶對仔女飛咗去夏威夷度假。日前下午,本報喺中環名店巧遇子丹秘密買禮物冧詩詩。見黑超子丹插袋chok行名店女裝部,睇吓iPhone手機殼、飾物等,揀完女人嘢再睇男裝,真係個絕種好男人囉!

        憑真功夫打出國際、成為荷里活影圈炙手可熱動作演員嘅甄子丹,月前傳出佢收過億片酬拍《葉問4》,非常架勢。子丹可以專心工作,全因佢有位全能好老婆詩詩,湊仔教育、照顧家庭頭頭是道,仲幫老公搞好間電影公司,難怪子丹對詩詩15年嚟一條心,曾隔空冧愛妻指日日都係情人節啦!

   呢幾個月子丹拍戲無停手,佢成立嘅「超級子彈」製作公司與王晶合作咗兩套新片《大師兄》及《肥龍過江》,月初《肥龍》剛煞科,已見子丹po相為《葉問4》舉行開鏡拜神儀式,昨日有消息指子丹會參演迪士尼真人版《花木蘭》,飾演花木蘭(劉亦菲)師父董司令。日日都拍戲,其愛妻就有大把時間帶埋一對仔女Jasmine和James外遊,早排先同名模琦琦母女走轉韓國,日前詩詩已一拖二飛咗去夏威夷歎世界。

妻女都有份

   日前下午3時許,穿上迷彩褸、cap帽加黑超嘅子丹獨自現身中環歷山大廈嘅Dolce & Gabbana。見佢先喺地下女裝部打躉,揭吓新裝又走埋櫃枱睇iPhone手機殼。見佢對啲手機殼幾有興趣,好cool咁拎啲手機殼睇,有印花圖案、有鑲石嘅,售價千幾至五千,對子丹嚟講濕濕碎啦!睇咗幾分鐘,揀中兩個,似係送畀老婆同14歲大女Jasmine。其後,佢再上二樓睇鞋又試衫,逗留多半小時,就拎袋戰利品上車走人。

採訪︰張詠森

其他文章
袁和平用心設計武打動作 張晉笑稱 Tony Jaa嚟報仇

由「天下第一武指」八爺袁和平執導、張晉領銜主演的功夫電影《葉問外傳:張天志》,將於本周...

hd