首頁 日報娛樂

粗髀做枱食壽司 「餓女」雷莊𠒇當街攬啜男友

14/04/2018
貼身攬到實
■零妝幾醜樣嘅雷莊𠒇,孭住個Longchamp手袋箍實男友。每次搭電梯,女方都主動出擊攬攬錫錫,豪放瘟仔。
貼身攬到實 ■零妝幾醜樣嘅雷莊𠒇,孭住個Longchamp手袋箍實男友。每次搭電梯,女方都主動出擊攬攬錫錫,豪放瘟仔。(1/8)
(2/8)
忘我啜啜
忘我啜啜(3/8)
耳邊吹氣
耳邊吹氣(4/8)
慳錢拍拖
■食完麵包、卷物,雷莊𠒇和男友搭幾個站由中環返炮台山,加埋使咗約60蚊。
慳錢拍拖 ■食完麵包、卷物,雷莊𠒇和男友搭幾個站由中環返炮台山,加埋使咗約60蚊。(5/8)
厚肉大髀 ■食嘢時,雷莊𠒇似乎好like把頭髮吊吊吓咁,再唧豉油食吞拿魚卷。
厚肉大髀 ■食嘢時,雷莊𠒇似乎好like把頭髮吊吊吓咁,再唧豉油食吞拿魚卷。(6/8)
黑眼圈好嚇人
■雷莊𠒇呢個「狼食厲鬼」look,男友已睇到慣,一味食食食。
黑眼圈好嚇人 ■雷莊𠒇呢個「狼食厲鬼」look,男友已睇到慣,一味食食食。(7/8)
主動溝仔 ■蜜運年半嘅雷莊𠒇,自爆當年主動追求有上進心嘅Hanmin,日前女方透露男友仲要喺加國讀多6年書,不斷增值。
主動溝仔 ■蜜運年半嘅雷莊𠒇,自爆當年主動追求有上進心嘅Hanmin,日前女方透露男友仲要喺加國讀多6年書,不斷增值。(8/8)

  23歲嘅應屆雙料港姐冠軍雷莊𠒇(Juliette),棚「哨牙」不時被網友狂踩,不過佢勝在EQ高,加上有個加拿大牙醫男友Hanmin甘心做兵,伊人懶理負評。近日,男友仔人肉速遞來港慰藉,Juliette連日來與男友四出煙靭拍拖。日前下午,零妝Juliette露出超黑眼圈會仔,紮上超高辮嘅佢,造型幾騎呢。兩人現身ifc慳錢拍拖,買麵包、壽司上平台公園談心,Juliette將粗髀當枱放壽司。每逢搭扶手電梯,哨牙Juliette都出招攬錫冧仔,又喺honey耳邊吹氣,公然親熱,餓女上身囉!

        自信心爆棚嘅雷莊𠒇,愛我行我素,不時素顏行街,勇氣可加!皆因Juliette名花有主,有個加拿大牙醫男友Hanmin,女方自爆當年被男友嘅笑容吸引,主動追求。身形高大、打扮樸實嘅Hanmin樣子傻氣老實,近日嚟咗香港探女友,不時黐到實拍拖。

   日前下午5時,瘟仔大過天嘅雷莊𠒇又出動。當日Juliette紮上超高辮,刻意將頭髮左右分開喺面兩邊,造型好騎呢。橙紅色長top不時遮掩熱褲,不過大髀幾厚肉,長腿一啲都唔吸引!無化妝、露出超黑眼圈嘅Juliette皮膚黝黑,睇落似足外傭,全無人認出。二人先去ifc嘅city'super買吞拿魚卷,再去買多兩個麵包,就上平台公園醫肚談心。兩人搭扶手電梯時,進擊嘅Juliette把握時間,右手緊箍男友,再貼耳吹氣調情,見男友耳仔紅晒,Juliette姣計得逞放手彈開,挑逗功夫有一手。

貼錢坐車

   上到平台,Juliette專登坐上壆位,用粗髀放壽司。二人起勢狼食,唔使3分鐘就KO晒,男友隨即喺背囊取出支樽裝水兩份飲,再並肩坐低睇手機吹水,見女方不時冧望Hanmin甜笑,好迷戀男友囉!逗留約大半小時,天色昏暗,見Juliette突然喺銀包取出一張50蚊紙遞畀男友,原來係畀男友增值八達通。其後,二人搭扶手電梯去坐港鐵,以為無人認得嘅Juliette再次大解放,企矮一級嘅佢挨實男友索吻,二人情到濃時攬錫,愛得癡纏。最後齊搭港鐵返炮台山香閨,二人世界。

採訪 : 張詠森

其他文章

hd