首頁 日報娛樂

演舞台劇證寶刀未老 李司棋強調有排未退休

26/04/2018
■李司棋從影50年,到現在依然好enjoy演員呢份工。
■李司棋從影50年,到現在依然好enjoy演員呢份工。 (1/5)

  由TVB重頭劇《溏心》系列主將夏雨、李司棋、米雪及關菊英等主演的舞台劇《秘密》,將於4月28日至5月2日於新光戲院演出5場,劇中司棋姐要演繹一個清醒時好狂躁抑鬱的腦退化患者,從影50年的司棋姐說:「呢50年過得好豐盛,而且冇揀錯呢行嚟做,再投胎都會做番呢份工,希望下世繼續好彩。」採訪:方騫平

  67歲的司棋姐演過唔少舞台劇,如《花心大丈夫》及《小城風光》等,但她依然期待《秘密》上演,除了演員之間好有默契,祥仔成日搞笑外,她亦好有戲做,事關她要呆呆哋,清醒時又會狂躁抑鬱,要拿揑得好係好大挑戰,笑言要殺出一條癡呆血路!另外,劇中夏雨一人分飾棺材大及破地獄師傅兩個角色;祥仔就飾演夏雨個敗家仔,關菊英係毒舌;至於米雪演一個被虐狂嘅嚴肅秘書,大家都係為分遺產而走埋一齊,帶點《溏心》爭產味。

耳患唔影響工作

  對於耳患問題,司棋姐強調絕無影響演出:「左耳係冇乜進展,唯有靠助聽器幫手,不過做戲時個場會好靜唔會被雜音嘈到頭暈。(證明你仲好有工作能力!)係喎,之前報道到我被退休咁,有時報道要諗吓我感受,自己食得鹹魚抵得渴,但一次又一次誤導就唔太好,就算完成舞台劇我都會繼續悠閒工作。」入行50周年的司棋姐向來低調,無冇打算大事慶祝,她笑說:「其實入到行經已好完美,而且多年來拍咗好多作品都有好多人鍾意,好似《山水有相逢》、《逐個捉》及《溏心》系列等,甚至早期嘅《變》,自己向來冇乜計劃,打後做乜交由上天安排。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd