首頁 日報娛樂

踢走泰籍正印 富男友陪Tea 廖碧兒勝利笑容風騷出巡

01/05/2018
春風滿面
成功拑實有米Calvin,碧兒(左)Shopping時嘴角含春又撥弄秀髮,表現極風騷!
春風滿面 成功拑實有米Calvin,碧兒(左)Shopping時嘴角含春又撥弄秀髮,表現極風騷!(1/8)
回復窈窕 近日瘦咗又靚咗嘅Bernice,當日以Gucci皮帶、Gucci波鞋配Hermès手袋,貴氣現身。
回復窈窕 近日瘦咗又靚咗嘅Bernice,當日以Gucci皮帶、Gucci波鞋配Hermès手袋,貴氣現身。(2/8)
笑唔停
同店員有講有笑,甜笑唔停。
笑唔停 同店員有講有笑,甜笑唔停。(3/8)
試紅裙 見Bernice試咗條鮮紅色長裙,唔通有咩喜慶嘢?!
試紅裙 見Bernice試咗條鮮紅色長裙,唔通有咩喜慶嘢?!(4/8)
倒奶瑜伽
日前,Bernice貼出瑜伽照,噴血倒奶。
倒奶瑜伽 日前,Bernice貼出瑜伽照,噴血倒奶。(5/8)
瘦身晒胸 早排,Bernice接拍纖體廣告時,真空晒巨胸。
瘦身晒胸 早排,Bernice接拍纖體廣告時,真空晒巨胸。(6/8)
有米新歡
開設網站分享美食嘅Calvin主要做投資生意,家族物業遍佈世界各地。
有米新歡 開設網站分享美食嘅Calvin主要做投資生意,家族物業遍佈世界各地。(7/8)
出入名人飯堂 Bernice早前被本報影到出入灣仔福臨門,生活似足闊太。
出入名人飯堂 Bernice早前被本報影到出入灣仔福臨門,生活似足闊太。 (8/8)

        39歲嘅中女廖碧兒(Bernice)自3月被揭搭上失婚隱形富豪Calvin(盧啟賢)後,戀情愈揭愈好睇,一度傳出男方與拍拖7年嘅泰籍女友Nina未分手,最新有指疑做「小三」嘅Bernice爭贏正印Nina,得寵碧兒同男友雙雙高調去酒店High tea,公然晒愛。獲富男友賜女友「名份」嘅Bernice歎茶當日打男友大髀宣示主權,日前下午,唔使開工嘅碧兒喺女助手陪同下勁風騷去銅鑼灣利園名店Shopping。成身名牌嘅佢展現勝利笑容喺名店豪花約十萬元買衫,預演闊太生活,真係幾happyO架!        

近年廖碧兒被指暗交富商,生活指數升呢,除進駐大埔千萬豪宅倚龍山莊,更試過手拎VIP才可訂購嘅80萬Hermès Birkin。其新歡亦好架勢,41歲失婚兼有一女嘅Calvin,早前現身法國酒莊豪擲兩億歐羅(約19.3億港元)掃香檳,有指佢家族生意相當龐大,喺香港及內地、新加坡、印尼、英國及加拿大均有物業。仲有傳Calvin日前登上美國某媒體2018年金融市場十大最有影響力人物榜,其後在港開派對,開咗50支、每支約6,000蚊嘅香檳「萬歲」。

金龜寵愛

  碧兒認愛Calvin短短一個月,新聞不斷,但佢處處維護男友,力撐愛郎專一。碧兒咁識做,Calvin馬上「做嘢」,帶佢到酒店歎茶,打情罵俏晒戀情。有金龜寵愛,日前下午,蜜運Bernice化淡妝、一身casual look勁風騷現身銅鑼灣。咪睇佢着件牛仔衫加黑衫黑褲好低調,其實成身堆滿名牌,手拎一個有升值能力、十萬元起跳嘅黑色Hermès Birkin、Gucci皮帶、以及9千蚊嘅新款Gucci波鞋,再加埋名錶和accessories,齋係行頭都起碼二、三十萬。佢喺女助手陪同下去咗利園2期嘅意大利品牌MARINA RINALDI掃貨。見佢春風滿面同店員有講有笑,又不斷試衫。逗留近一小時,Bernice瘋狂掃咗成十萬衫,再露出勝利笑容走人。

採訪︰李權威

其他文章
久違23年 7月開12場騷 陳潔靈求突破

諗新Concept 歌手陳潔靈(Elisa)95年開過個唱後,相隔23年...

hd