首頁 日報娛樂

年過半百Keep得好 54歲呂珊「O靚仔look」減齡

10/05/2018
■身材的骰好瘦嘅呂珊,穿上棒球褸、牛仔褲加cap帽,成個「O靚仔」咁。
■身材的骰好瘦嘅呂珊,穿上棒球褸、牛仔褲加cap帽,成個「O靚仔」咁。 (1/6)

  歌視兩瓣掂嘅「靚聲天后」呂珊,早前先孖住楊立門開咗個英文金曲演唱會,騷後又要開拍無線新劇《包青天再起風雲》,幾忙都有。日前下午,呂珊趁有日假即去銀行處理吓財務,見佢素顏身穿棒球褸、牛仔褲加cap帽,成個「O靚仔」咁揸車出現天后寓所附近,的骰纖瘦,點睇都唔似五十有四囉! 採訪 : 梁志明

  童星出身嘅呂珊,唔經唔覺已入行五十周年。近年密密拍劇嘅佢,早前連續拍咗《兄弟》、《堅離地愛堅離地》等劇,農曆新年去咗美國登台搵真銀,近日就忙拍古裝劇《包青天再起風雲》飾演皇后,仲要到橫店拍外景一個月。入行咁多年搵埋唔少嘅呂珊仲未結婚,有指佢02年搭上環星老闆張國林,對方雖然有老婆又有兩個仔,但為咗珊姐最後都離咗婚,有傳二人喺女方持有嘅炮台山康福台同居。

  日前下午3時許,話晒要離港成個月,呂珊就趁空揸車去寓所附近嘅銀行處理吓財務先。見佢無化妝幾怕人認出,專登戴上口罩加眼鏡先去銀行,排喺卓越理財條line,逗留約15分鐘就離開。行出門口,呂珊馬上甩罩唞唞氣,然後路經一間古董鐘錶舖,見佢幾有興趣停低window shopping,望咗幾分鐘就轉身上車走人。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd