首頁 日報娛樂

婚後變MAN 耍花槍當情趣 王賢誌 御妻 有術 秒速O氹伴侶

10/05/2018
Kevin嬲嬲豬
■愛留鬍鬚嘅Kevin比較怕羞,當日同honey嘈咗兩句,即頭耷耷扁晒嘴。Vinci馬上施展冧功,O氹兩O氹,無事啦!
Kevin嬲嬲豬 ■愛留鬍鬚嘅Kevin比較怕羞,當日同honey嘈咗兩句,即頭耷耷扁晒嘴。Vinci馬上施展冧功,O氹兩O氹,無事啦!(1/6)
匹配夫婦 ■呢對打扮時尚嘅同志夫婦,外形好匹配。
匹配夫婦 ■呢對打扮時尚嘅同志夫婦,外形好匹配。(2/6)
開籠雀
■心情靚靚嘅Kevin,喺Vinci身邊甜笑吹水。
開籠雀 ■心情靚靚嘅Kevin,喺Vinci身邊甜笑吹水。(3/6)
春風得意 ■Kevin被另一半O氹番後,春風得意開心晒!
春風得意 ■Kevin被另一半O氹番後,春風得意開心晒!(4/6)
搵friend睇戲
■Vinci二人hea咗廿分鐘,行去戲院搵朋友入場睇戲。
搵friend睇戲 ■Vinci二人hea咗廿分鐘,行去戲院搵朋友入場睇戲。 (5/6)
搵千嬅幫手 ■做咗東華主席嘅Vinci任期內要出席400多場活動,日前佢同Kevin搵千嬅和丁子高夫婦gathering,喺社交網留言話「還有7個多月,碌卡行動」,似搵對方幫手做善慈活動囉!
搵千嬅幫手 ■做咗東華主席嘅Vinci任期內要出席400多場活動,日前佢同Kevin搵千嬅和丁子高夫婦gathering,喺社交網留言話「還有7個多月,碌卡行動」,似搵對方幫手做善慈活動囉!(6/6)

  新任東華三院主席、「王氏港建」富商王忠桐長子王賢誌(Vinci),16年8月同拍拖7年嘅咖啡師同性伴侶Kevin(周思聰)於溫哥華註冊結婚,成為港娛圈首宗男同志婚姻。二人結婚年半雖無分老公老婆,Vinci曾自爆被好友讚佢婚後變Man,似係要盡「好老公」本份囉。日前晚上,「兩公婆」喺銅鑼灣拍拖睇衫hea時間。見兩人喺店內耍花槍,Kevin嬲嬲豬,Vinci見狀即猛O氹honey,話咁快Kevin冧滋滋面露笑容,王生嘅「御妻術」都幾犀利喎!

47歲嘅王賢誌,早年離開幕前後,主力家族生意,擔任三皇集團董事總經理,上月又坐正做東華主席,加上早前成立公司,主力搞演唱會和電影,百足咁多爪。大膽去愛嘅Vinci坦言婚後心情輕鬆,愛得光明正大,曾透露兩人一凹一凸嘅性格造就佢哋更合拍,Vinci說:「我個人好執着,要求好高,屋企啲嘢要好整齊,但另一半唔執嘢周圍放。同埋佢煮嘢好叻,我完全唔識煮,令你生活多咗好多樂趣。」懂下煮、愛綠化居所及係咖啡拉花專家嘅Kevin,同愛social嘅Vinci比較,似老婆角色多啲。

性格一凹一凸

  日前晚上7時,受打扮嘅Vinci戴帽執到正與另一半現身銅鑼灣百德新街shopping。初時,二人並肩同行,有講有笑連行幾間店,其後去到UNITED TOKYO睇衫,「兩公婆」突然耍花槍嘈咗兩句,Kevin即頭耷耷行開嬲嬲豬,Vinci見狀馬上諗計O氹伴侶。見Vinci雙手放身後,個樣好誠懇咁O氹另一半,未幾Kevin微微笑,仲冧笑望實Vinci,然後再一齊貼頭揀衫,回復恩愛。Hea足廿分鐘,兩人睇睇錶就雙雙行去糖街嘅戲院,會合埋幾個朋友入場睇戲,睇最新猛片《復仇者聯盟3:無限之戰》。

採訪 : 李維隆、梁志明

其他文章
久違23年 7月開12場騷 陳潔靈求突破

諗新Concept 歌手陳潔靈(Elisa)95年開過個唱後,相隔23...

hd