首頁 日報娛樂

同科林合唱新歌 駱胤鳴自爆關男友事

11/05/2018
■烙印同科林老友鬼鬼,仲話想下次再合唱過。
■烙印同科林老友鬼鬼,仲話想下次再合唱過。 (1/6)
■科林去年11月跟圈外女友Wing宣佈結婚。
■科林去年11月跟圈外女友Wing宣佈結婚。 (2/6)
■近期烙印孖住科林四出宣傳,包括上電台節目。
■近期烙印孖住科林四出宣傳,包括上電台節目。 (3/6)
■由於烙印男友不想曝光,於是烙印和科林想出呢招。
■由於烙印男友不想曝光,於是烙印和科林想出呢招。 (4/6)
■MV由烙印和科林親自操刀,用埋直度扮網上直播感覺,而且兩人要同步一Take過自拍,有一定難度。
■MV由烙印和科林親自操刀,用埋直度扮網上直播感覺,而且兩人要同步一Take過自拍,有一定難度。 (5/6)
(6/6)

  駱胤鳴(烙印)@SIS最近跟前DJ科林合唱歌曲《十萬個激嬲我的理由》,這次首度合作原來竟然關烙印的男朋友事,烙印笑指因經常俾男朋友激親,兩人仲成日在網上鬥氣,於是決定將兩人相處方式創作成新歌,仲搵來男朋友的好兄弟科林合作,不過剛新婚的科林就話明平日好少激嬲老婆。 採訪:杜淑霞 服裝:@chocoolatehk@ithk(駱胤鳴) ;double-park、Ginger Store薑館(杜如科) 場地:Chill Hea Office n Party

  烙印跟圈外男朋友拍拖幾年,她笑言兩人都好似大細路,平日好鬼鍾意鬥氣,「佢會當面話我肥,我又會話佢打機唔及我叻,我哋有時會喺網上互窒㗎!後尾我寫新歌就諗到不如攞嚟做主題,男朋友都好贊成嘅!」

拍MV出賣男友

  鬥氣鬥出靈感,烙印仲食住上,搵埋男友的好兄弟科林合作,「我哋本身好熟,知道佢唱Rap都唔錯,咪搵佢一齊玩囉!」初試啼聲的科林坦承錄音好緊張,「今次唔單止要Rap,仲要唱埋歌,以前未試過正式去錄音室,當時真係好緊張㗎!」不過烙印大讚這個新人,「佢絕對合格,證明我冇搵錯人。」

  兩人除了合唱,還拍住一齊自製MV,烙印笑言:「我哋兩個度埋同拍埋,裏面都出賣咗啲我同男朋友相處嘅實況,好似明明喺屋企度,用電腦通話咁囉!」而剛新婚的科林還借出愛巢拍攝,「我有問准老婆嘅,況且老婆知道係同烙印都好放心。」烙印寸番科林話,「我男朋友先至放心呀!」

其他文章
久違23年 7月開12場騷 陳潔靈求突破

諗新Concept 歌手陳潔靈(Elisa)95年開過個唱後,相隔23...

hd