首頁 日報娛樂

跟古天樂演奇幻父子情 56歲吳鎮宇直言人生無憾事

11/05/2018
■吳鎮宇坦言成長於香港最黃金時代,人生冇遺憾。
■吳鎮宇坦言成長於香港最黃金時代,人生冇遺憾。 (1/7)
■吳鎮宇及古天樂之前在電影版《衝上雲霄》有唔少對手戲。
■吳鎮宇及古天樂之前在電影版《衝上雲霄》有唔少對手戲。 (2/7)
■吳鎮宇父子相處方式如朋友相處,爸爸可以進入兒子內心世界及社交圈。
■吳鎮宇父子相處方式如朋友相處,爸爸可以進入兒子內心世界及社交圈。 (3/7)
■9歲的Feynman經常在網上認識朋友。
■9歲的Feynman經常在網上認識朋友。 (4/7)
■吳鎮宇有事業有家庭,對現階段生活相當滿足。
■吳鎮宇有事業有家庭,對現階段生活相當滿足。 (5/7)
■鎮宇同古仔在片中演父子,兩大影帝演技交鋒。
■鎮宇同古仔在片中演父子,兩大影帝演技交鋒。 (6/7)
■吳鎮宇要穿越6個不同人生階段的時空,由19歲演到89歲。
■吳鎮宇要穿越6個不同人生階段的時空,由19歲演到89歲。 (7/7)

  新片《脫皮爸爸》中,年齡只相差8歲的吳鎮宇與古天樂飾演父子,兩大金像金馬影帝大鬥演技。故事圍繞古仔跟鎮宇的奇幻父子情,道出人生哲理。問到56歲的鎮宇可有遺憾事時?他即說:「絕對冇,O依家仲舒服啲唔易畀人激親,亦冇咁緊張,但千祈唔好激我喎!」而吳鎮宇的囝囝Feynman亦會在戲中客串飾演古天樂的童年。 採訪:方騫平 攝影:李權威

化妝:Kargo Leung 髮型:Joe Kwong

服裝:DEGAIA 場地:E-Max 九展

  片中吳鎮宇要穿越6個不同人生階段的時空,由19歲演到89歲。他自言加插了特別處理方法,以香港大環境來分段,拿揑得會較準確,唯一係化特技妝時間較長,搞到皮膚敏感最辛苦。他笑說:「演腦退化阿伯冇難度,因為中外有太多前輩演過,而且動作得兩吓,我做過呢方面資料搜集,話腦退化講嘢冇邏輯,冇層次,將事情混淆,但有時好清醒。哈!唔使搞咁多啦,原來都係似吳鎮宇平時咁,因為我講嘢只係自己明,會自己笑。」

爆囝囝過癮事

  鎮宇多次和古仔合作,但今次演兩父子算是一大突破,鎮宇在拍攝前特別到古仔豪宅作客兼拜訪世伯:「其實片場內我哋反而冇乜火花,工作習慣獨家村,同熟人喺片場冇乜嘢講,除非同女演員有感情戲要主動打開話題。不過,我同古仔好有默契,會即場指出大家有咩錯誤。」現實中,鎮宇就唔敢直接糾正兒子的錯:「Feynman想做You Tuber,但我完全唔知係乜嘢,佢識英文會邊打機邊同網友交談,可以同個20幾歲嘅網友傾幾粒鐘,甚至會爆句『食屎啦你!』聽到我都呆一呆,但如果我直斥其非以後就冇嘢聽!」鎮宇唔介意寶貝仔將來做You Tuber,他強調:「無乜唔好,全世界最搵到錢嘅工作,而且出街冇人理你,冇吹捧就冇抹黑。當年老竇話做明星不設實際唔會發達,O依家睇返其實我人生每個階段都冇遺憾,好似當年拍電視劇《衝上雲霄》時幾正呀,樣OK又有演技,以為人生最舒服,但現階段又似舒服啲,因為我個人好易滿足。」

其他文章

hd