首頁 日報娛樂

崔建邦又有新歡 史前舊愛中巴別來無恙

11/05/2018
■中巴係Freelance Model同Freelance Fitness Personal Trainer,所以身形都Keep得幾好。
■中巴係Freelance Model同Freelance Fitness Personal Trainer,所以身形都Keep得幾好。 (1/7)
■因為被打,中巴同崔建邦戀情先曝光。資料圖片
■因為被打,中巴同崔建邦戀情先曝光。資料圖片 (2/7)
■中巴好用心試香薰油,聞完一款又一款。
■中巴好用心試香薰油,聞完一款又一款。 (3/7)
■中巴一路行路撳電話。
■中巴一路行路撳電話。 (4/7)
■崔建邦近日被爆有靚女新歡。
■崔建邦近日被爆有靚女新歡。 (5/7)
■因為被打出名氣,中巴當年經常獲邀出席商業活動。
■因為被打出名氣,中巴當年經常獲邀出席商業活動。 (6/7)
■當年中巴開記招展示傷勢。
■當年中巴開記招展示傷勢。 (7/7)

  時間回到2009年,當年崔建邦又瞞住女友唐詩詠偷食O靚模中巴(鄺敏慧),唔係因為女方報警指控遭崔建邦襲擊,全世界都唔知道原來崔生搭上過中巴,當然唐詩詠都唔知,好嬲然後分手,不過數月後又告復合。 9年後,唐詩詠做咗視后,崔建邦交過好多女友,新鮮熱辣有靚女英文老師Jessica Vivian Choi,咁中巴呢?中巴別來無恙,依然幾索。採訪:梁志明

  中巴同崔建邦拍拖3個月,後者涉嫌虐打前者,女方告上法庭,男方被告襲擊傷人罪,最後獲法庭撤銷控罪,守行為一年,不留案底。當年中巴只係小O靚模,無乜人識自然無乜Job,但佢一打成名,被打後搵唔少,不過Keep唔得耐,家陣主力做私人健身教練,幕前曝光近乎零。

無化妝仲認到

  日前晚上,穿短褲,戴住帽嘅素顏中巴去銅鑼灣Francfranc睇家品,見佢撳住電話行嚟行去,睇完毛氈又去試香薰油,每樣都見佢花時間揀,估計真係有需要,不過,在店內巡足半個鐘乜都無買就離開,然後佢又撳住電話行去附近的士站搭的士。雖然無化妝,但完全認到中巴,28歲嘅佢Keep得幾好,可能同做健身教練有關。

其他文章

hd