首頁 日報娛樂

自爆陀住B拍《棟仁》 賴慰玲開工受女王式待遇

11/05/2018
■賴慰玲坦言不擔心做人母後,影響圈中發展,「呢個係我終生職業,唔同階段自然有唔同角色,我目標係好似毛姐毛舜筠咁。」
■賴慰玲坦言不擔心做人母後,影響圈中發展,「呢個係我終生職業,唔同階段自然有唔同角色,我目標係好似毛姐毛舜筠咁。」 (1/5)
■親自湊B的賴慰玲,每日見囝囝Marat笑容便不覺倦。
■親自湊B的賴慰玲,每日見囝囝Marat笑容便不覺倦。 (2/5)
■去年7月,陀住5月肚的賴慰玲,亦有出席活動搵真銀。
■去年7月,陀住5月肚的賴慰玲,亦有出席活動搵真銀。 (3/5)
■劇中一班好兄弟袁偉豪、林子善同黃長興,劇情適合就會安排她坐。
■劇中一班好兄弟袁偉豪、林子善同黃長興,劇情適合就會安排她坐。 (4/5)
■14年賴慰玲(左二)憑《女人俱樂部》嶄露頭角,「超班演技」更被網友封為「小鄭裕玲」。
■14年賴慰玲(左二)憑《女人俱樂部》嶄露頭角,「超班演技」更被網友封為「小鄭裕玲」。 (5/5)

  賴慰玲在劇集《楝仁的時光》飾演的「阿Yan」,跟同事袁偉豪、林子善和黃長興勁老友,原來戲外他們一樣拍出「兄弟情」,她自爆拍攝時剛陀住B仔梁進也(Marat),一班兄弟得知後,不但保守秘密,仲對她呵護備至,視她如女王一樣,她又大讚囝囝好孝順,生前生後都算易搞,仲未出世已幫手搵奶粉錢。        採訪:杜淑霞



  賴慰玲去年12月為舞台劇演員老公梁子峰誕下囝囝 Marat,而該劇在去年5月開始拍,她自爆當時已有3個月身孕,「我唔想大家就住我開工,所以當時只係同監製,同埋對手戲多嘅袁偉豪、林子善同黃長興佢哋講咗。」

6月復工拍劇

  想不到三個在戲中的好兄弟,戲外一樣好夠義氣,令賴慰玲相當感動,「我本身同佢哋無合作過,開工前仲擔心夾唔夾得嚟,點知佢哋好快就當咗我係Bubby,可能阿囝真係幫到手,佢哋知我有咗好口密,仲當正我女王咁照顧,試過有場戲要踩上枱換燈膽,佢哋即刻衝埋嚟圍住我,猛話改小小嚟做。」

  談到初為人母感受,賴慰玲話感覺非常正,因為Marat出世前後一樣咁乖,「佢真係好孝順,我陀住佢開工完全冇唔舒服,仲帶挈我拍埋孕婦食物廣告,未出世就幫手搵錢;出世後又易湊,好快戒咗夜奶,所以我同老公雖然冇請家傭,都照顧得到,6月我會復工拍劇,到時我媽咪會幫手,應該搞得掂。」

其他文章
久違23年 7月開12場騷 陳潔靈求突破

諗新Concept 歌手陳潔靈(Elisa)95年開過個唱後,相隔23...

hd