首頁 日報娛樂

細仔整蛋糕做母親節禮物 歐陽妙芝︰做媽媽最重要夠瞓

11/05/2018
■歐陽妙芝收到細仔Atilla親手做的檸檬芝士蛋糕好開心。
■歐陽妙芝收到細仔Atilla親手做的檸檬芝士蛋糕好開心。 (1/7)
■師傅Suki先教Atilla整碎曲奇做餅底,要用力壓實,再放入焗爐焗8分鐘。
■師傅Suki先教Atilla整碎曲奇做餅底,要用力壓實,再放入焗爐焗8分鐘。 (2/7)
■先後將芝士、忌廉、花奶和檸檬汁等放在一起攪混。
■先後將芝士、忌廉、花奶和檸檬汁等放在一起攪混。 (3/7)
■將攪好了的芝士忌廉倒入心形模中,然後放入雪櫃。
■將攪好了的芝士忌廉倒入心形模中,然後放入雪櫃。 (4/7)
■等待約2個小時後,拿出並在蛋糕上裝飾吓便完成。
■等待約2個小時後,拿出並在蛋糕上裝飾吓便完成。 (5/7)
■Atilla即場餵媽媽試食,妙芝話酸酸哋,芝士味又濃好yummy。
■Atilla即場餵媽媽試食,妙芝話酸酸哋,芝士味又濃好yummy。 (6/7)
■歐陽妙芝難忘08年陪大仔Achille去日本交流過母親節。
■歐陽妙芝難忘08年陪大仔Achille去日本交流過母親節。 (7/7)

  名模歐陽妙芝早前陪10歲細仔方玉亨(Atilla)到RISE麵包學校學做心形檸檬芝士蛋糕,Atilla坦言是送給媽媽的母親節禮物。當日妙芝也有從旁協助,做了約3小時便完成,妙芝即場試食甜到漏,她表示每年母親節撞正13歲大仔方玉丞生日,通常一齊慶祝。她期望兩子能健康快樂成長,作為媽媽,除了時常提點兒子要孝順父母、尊師重道,也要懂得放鬆自己。撰文:李佩儀 攝影:李權威

  妙芝坦言兒子都喜歡整嘢食,有整過蛋糕和曲奇。當日藍帶畢業廚師Suki教授Atilla整檸檬芝士蛋糕,只見他跟住每個步驟做都好熟手。問妙芝過往如何過母親節?她坦言:「其實都冇乜印象,因為每年嘅母親節都好接近大仔生日,通常一齊慶祝。最深刻一年係陪大仔去日本交流,佢喺架旅遊巴度送咗張全家福相畀我,亦收過佢哋用紙巾整嘅康乃馨同畫。」問她今年最想收到甚麼禮物時,她笑言:「佢哋三父子唔激我已經好好喇。」

  妙芝自言是一個自由度大的媽媽,會讓兒子做自己喜歡的事。她憶述有段時間好crazy,「一星期每日都要囝囝返興趣班如踢波、打功夫、鋼琴、畫畫同中英日韓法文等,好彩哥哥比較outgoing都好鍾意,但細佬因為有哥哥陪玩,我好似有啲疏忽咗佢,好在佢學嘢會自己揀,o依家淨係鍾意跳舞。」

  現時她既要照顧家庭,又要打理化妝學校,問她怎樣分配時間?她笑言:「我會分配多啲時間畀自己瞓覺,咁第二日做任何嘢都事半功倍,同埋會做自己開心嘅事如學唱歌、彈琴同結他,有時會自己去旅行,不過細仔唔畀我去咁耐,上次去泰國去咗五日佢話好掛住我。」認真Sweet!

其他文章
久違23年 7月開12場騷 陳潔靈求突破

諗新Concept 歌手陳潔靈(Elisa)95年開過個唱後,相隔23...

hd