首頁 日報娛樂

譚校長贈「求生」錦囊 關楚耀操肌做好任摸準備

11/05/2018
■35歲嘅關楚耀愈來愈生性,他強調冇拍拖兩年,都係想專心工作。
■35歲嘅關楚耀愈來愈生性,他強調冇拍拖兩年,都係想專心工作。 (1/6)
■近日操到大大隻的關楚耀不時在社交網站上載健身片段。
■近日操到大大隻的關楚耀不時在社交網站上載健身片段。 (2/6)
■最近Kelvin出非情歌《求生》,講求生意志,屬電子音樂曲風
■最近Kelvin出非情歌《求生》,講求生意志,屬電子音樂曲風 (3/6)
■譚校長好照顧世侄Kelvin,不時教佢做人。
■譚校長好照顧世侄Kelvin,不時教佢做人。 (4/6)
■3年前關楚耀在九展Star Hal舉行處男個唱,晒肌是必須的。
■3年前關楚耀在九展Star Hal舉行處男個唱,晒肌是必須的。 (5/6)
■近年Kelvin愛上攝影,仲幫過一本日本雜誌客串做攝影師,作品曾放上網公諸同好。
■近年Kelvin愛上攝影,仲幫過一本日本雜誌客串做攝影師,作品曾放上網公諸同好。 (6/6)

  去年關楚耀(Kelvin)轉投新唱片公司Sunnyidea與JW(王灝兒)成同門師兄妹後全面出擊,除了相隔3年再派新作《死亡之吻》外,今年再出新歌《飢餓遊戲》及《求生》,更乘勢於5月26日在麥花臣開一場《關楚耀 "FOCUS" 演唱會 2018》,他笑住爆料:「隔咗咁耐再開show,唔知點解Fans依然都係要求我除衫騷肌,我唯有操好個Body做定準備。」採訪:方騫平

  近日操到大大隻的關楚耀不時在社交網站上載健身片段,爆肌Body引死Fans,問到可有40吋巨胸時?Kelvin大笑話事在人為,到時可以加碼谷胸:「因為今次演唱會以音樂影像出發,而且以前都喺個唱Show過肌,所以今次冇諗過咁做。」問到會否在握手位除衫,畀Fans摸吓?Kelvin笑住答:「真係唔知,嘻嘻,呢個提議幾好,可能會掀起熱潮喎,可以考慮吓。」

  今次搞個唱係配合新公司的新Project,用意拉近同Fans距離,加上好多人問過Kelvin幾時再開show,因而促成好事:「據了解今次個唱門票銷情好好,原來有人仍然鍾意聽我唱歌,對做返音樂信心激增。我好記得多年前阿倫有個求生錦囊畀我,佢話:『做人要做好自己本份,享受過程就得喇,至於出面閒言閒語,好咪當鼓勵,唔好就吸收,加以改良。』以前年紀輕唔太明白,直至冇歌出,轉戰一竅不通嘅電影再膽粗粗同導演傾吓學吓,啲人就發現我唔係大家想像中做嘢咁柴娃娃,諗返起校長嘅話原來係至理明言。近年我仲研究影相,所以今次演唱會加埋視覺效果配合,希望音樂、歌曲、燈光及舞台都能互相發揮到效果。」

其他文章

hd