首頁 日報娛樂

功夫王變Model 吳樾拉隊街頭Chok拍

11/05/2018
■42歲嘅吳樾,隨意挨柱chok影。
■42歲嘅吳樾,隨意挨柱chok影。 (1/7)
■喺名店shopping,吳樾有多人服侍試衫。
■喺名店shopping,吳樾有多人服侍試衫。 (2/7)
■近日,吳樾喺內地跟甄子丹(右)拍《葉問4》,劇組送上蛋糕為佢慶生。
■近日,吳樾喺內地跟甄子丹(右)拍《葉問4》,劇組送上蛋糕為佢慶生。 (3/7)
■吳樾好感激Paco(黃柏高)搵佢演《殺破狼·貪狼》,可以跟古天樂(中)及Tony Jaa(左)做對手戲。
■吳樾好感激Paco(黃柏高)搵佢演《殺破狼·貪狼》,可以跟古天樂(中)及Tony Jaa(左)做對手戲。 (4/7)
■影完一個shot,吳樾man爆跟團隊轉景再影。
■影完一個shot,吳樾man爆跟團隊轉景再影。 (5/7)
■發現記者時,吳樾禮貌揮手say hi。
■發現記者時,吳樾禮貌揮手say hi。 (6/7)
■影相時,吳樾和攝影師有互相交流。
■影相時,吳樾和攝影師有互相交流。 (7/7)

  內地演員吳樾,早前有幸孖古天樂擔正拍《殺破狼·貪狼》而人氣急升。近日更有機會參演《葉問4》同宇宙最強丹爺對打。早排,呢位演得更打得嘅功夫王嚟港出席活動,之後拉隊去銅鑼灣時代廣場街拍。見做咗人父嘅吳大哥戴副墨鏡喺街chok影,舉手投足都星味十足O架! 採訪 : 梁志明



  自細練武嘅吳樾,曾連續三年獲得全國武術錦標賽冠軍,拳刀棍劍無一不精,加上佢畢業於中央戲劇學院表演系,科班出身,演戲到位,拍動作片亦從不錫身,非常堅料!去年,吳樾瞓身演出《狂獸》和《殺破狼·貪狼》兩片,其中《貪狼》中扮演泰國華裔警察,協助古天樂尋找失蹤愛女,戲份好重,電影票房口碑雙贏,帶挈古仔首度封金像獎影帝,另一男角吳樾亦令好多港人熟悉。

  日前下午3時許,一身黑色打扮、戴上黑超幾型嘅吳樾和4、5名經理人、助手、造型師和攝影師等,浩浩蕩蕩踩落時代廣場街拍。

  見佢挨柱chok影、之後又隨意喺街行吓,成個model咁上晒身!有途人行過認得佢,都有同吳大哥打招呼,功夫王亦禮貌say hi。影咗15分鐘收工,吳樾等人轉場行街,去咗附近嘅連卡佛睇衫,逗留半小時,買咗兩袋衫走人。

其他文章
久違23年 7月開12場騷 陳潔靈求突破

諗新Concept 歌手陳潔靈(Elisa)95年開過個唱後,相隔23...

hd