首頁 日報娛樂

探訪病童 兩大視帝加翠如 王浩信:個女唔黐我

11/05/2018
好有愛!
浩信抱住小女孩一齊唱《Let it go》,可以幻想到佢平日係點同囡囡玩。
好有愛! 浩信抱住小女孩一齊唱《Let it go》,可以幻想到佢平日係點同囡囡玩。(1/10)
■翠如、展鵬和浩信三個大細路仲玩得投入過啲小朋友。
■翠如、展鵬和浩信三個大細路仲玩得投入過啲小朋友。(2/10)
  浩信、翠如和展鵬此行除了做玩伴,事前已先參觀宿舍設施,之後又為慈善獎券義賣活動拍攝宣傳海報,還獲得小朋友送贈親手做的紀念品。
  浩信、翠如和展鵬此行除了做玩伴,事前已先參觀宿舍設施,之後又為慈善獎券義賣活動拍攝宣傳海報,還獲得小朋友送贈親手做的紀念品。(3/10)
(4/10)
(5/10)
■超可愛的小朋友,不停餵翠如食玩具食物,仲樣樣都話係意粉!
■超可愛的小朋友,不停餵翠如食玩具食物,仲樣樣都話係意粉!(6/10)
■展鵬玩足球機雖然輸畀小朋友,但大家玩得好開心。
■展鵬玩足球機雖然輸畀小朋友,但大家玩得好開心。(7/10)
■扮埋「盲俠」玩捉迷藏,小朋友仲唔俾浩信冧死咩。
■扮埋「盲俠」玩捉迷藏,小朋友仲唔俾浩信冧死咩。(8/10)
■浩信用玩具紅蘿蔔扮《魔雪奇緣》的雪人「小白」,o氹得小朋友勁開心。
■浩信用玩具紅蘿蔔扮《魔雪奇緣》的雪人「小白」,o氹得小朋友勁開心。(9/10)
■浩信都承認之前少時間陪靖喬,近排放假即變身湊仔公。
■浩信都承認之前少時間陪靖喬,近排放假即變身湊仔公。(10/10)

        現任和上屆視帝王浩信、陳展鵬聯同黃翠如最近為「麥當勞叔叔之家慈善基金」舉辦的慈善獎券義賣活動擔任義工領袖,日前更親身到沙田「麥當叔叔之家」拍攝宣傳海報,順道探訪一班患病小朋友。三人講明這次探訪「要令佢哋玩到唔記晒啲病痛」,果然言出必行,全部變晒大細路同啲小朋友玩到癲,尤其係已為人父的浩信,慈父樣出晒嚟,仲靠BB話同唱歌仔,大受小朋友歡迎,未婚的翠如和展鵬BB完全唔係佢嗰班,不過亦令浩信諗起6歲囡囡靖喬,佢仲自爆個女有段日子唔黐佢,令佢好鬼傷心,所以近排趁住放假努力補救。

當日一班小朋友見到浩信、展鵬和翠如到訪,都表現得好興奮,翠如仲話:「我一嚟就有個小朋友同我講『我有睇過你㗎!』,好似個大人指教式同我講。(浩信:好似導演咁!)係!所以我答佢我會畀心機㗎啦!」三人又大讚該處設施和氣氛好好,可助病童減壓。展鵬說:「小朋友最緊要有地方玩得開心,呢度環境、住宿同衞生做得非常好,最重要係個氣氛好好,其實對有病嘅人,無論大人或者小朋友,佢哋心境好就係仙丹,可以玩到都唔知道自己有病,咁就自然會好番。」

「盲俠」上身唱歌仔

  做咗爸爸的浩信,感受亦特別深,「我會幻想我嘅小朋友,如果有啲咩病痛,好似切咗自己忽肉咁痛,但係呢度好似間普通幼稚園,好多設施好過某啲學校,每個小朋友心態好好,唔會見到佢哋爭玩具,我覺得所謂陪佢哋玩做義工,我袋到嘅嘢分分鐘多過佢哋,我同佢哋玩完我又輕鬆又快樂,我同佢哋仲friend咗O添!」果然三人輪住影海報和拍宣傳片,趁空檔跟小朋友玩,他們變晒大細路,同小朋友玩煮飯仔,又玩足球機,不過要數最多招數兼同小朋友最friend,確實是為人父的浩信,連翠如都不禁讚他最強是講BB話。浩信說:「BB話係一樣,同小朋友玩最重要用幻想力。」浩信仲話喺屋企負責教囡囡英文,所以忍唔住同啲小朋友講英文,仲俾個小朋友質疑話「點解考我哋英文嘅」。其間浩信又「盲俠」上身去捉小朋友,還跟小朋友大唱動畫電影《魔雪奇緣》主題曲《Let it go》,佢話:「呢首歌呢幾年喺小朋友界係金曲,呢啲歌袋番一兩首都可縱橫小朋友界。」

出世就Ready做爸爸

  不過提到準備升小學6歲的囡囡靖喬,浩信即時變得好感性,「之前有年幾兩年不停拍嘢,有段時間佢黐家傭姐姐多過黐我,個感覺真係好傷心,呢排我休息就盡量陪佢多啲,以前佢細個啲我又細個啲會覺得呢啲係付出,但係o依家唔會咁諗,o依家每日花5、6個鐘陪佢做功課、玩同傾偈,我哋嘅愛係大咗好多,佢亦令我心入面都富足咗,我之後工作面對問題會有更大力量去做,呢個互動我好開心嘅,千祈唔好諗小朋友會做成壓力,喺另一個角度睇,佢哋係一個養份嚟。」未婚的展鵬和翠如聽到點晒頭,追問佢哋準備好做父母未,展鵬就笑謂:「其實我一出世就Ready做爸爸㗎啦!」翠如就話女仔除咗心理,仲要生理方面的準備。不過再問兩人幾時結婚,他們即互相推莊,答咗等如無答。

撰文:杜淑霞 攝影:李維隆

其他文章
久違23年 7月開12場騷 陳潔靈求突破

諗新Concept 歌手陳潔靈(Elisa)95年開過個唱後,相隔23...

hd