首頁 日報娛樂

疑「大四喜」開心睇婦產科 47歲鍾麗緹傳佗B 暴臀襲港

15/05/2018
豪華臀好生養
■熟女鍾麗緹生咗三個,如今再傳有孕,見佢當日嚟港腰肢圓潤、下盤厚切好肉,身形的確好可疑!
豪華臀好生養 ■熟女鍾麗緹生咗三個,如今再傳有孕,見佢當日嚟港腰肢圓潤、下盤厚切好肉,身形的確好可疑!(1/7)
忍唔住喜訊 ■買衫時,店員恭喜佢再做媽咪,Christy抱面好開心,但礙於未過三個月而不置可否。
忍唔住喜訊 ■買衫時,店員恭喜佢再做媽咪,Christy抱面好開心,但礙於未過三個月而不置可否。(2/7)
專買平底
■見佢全部揀平底波鞋,為做孕媽媽作好準備。
專買平底 ■見佢全部揀平底波鞋,為做孕媽媽作好準備。(3/7)
嘟嘴賣萌 ■唔知係咪佗B心情特別靚,人妻望鏡好佻皮。
嘟嘴賣萌 ■唔知係咪佗B心情特別靚,人妻望鏡好佻皮。(4/7)
坐低唞唞
■傳有喜嘅Christy好容易攰,行一陣就要坐低休息。
坐低唞唞 ■傳有喜嘅Christy好容易攰,行一陣就要坐低休息。(5/7)
出入婦產科 ■上周,有內地網民巧遇Christy疑似喺醫院婦產科做產檢後面露笑容離開。
出入婦產科 ■上周,有內地網民巧遇Christy疑似喺醫院婦產科做產檢後面露笑容離開。(6/7)
唔同老竇
■Christy三個女有兩個老竇,嚟緊再同張倫碩生仔,四個小朋友三個daddy,關係好亂!
唔同老竇 ■Christy三個女有兩個老竇,嚟緊再同張倫碩生仔,四個小朋友三個daddy,關係好亂! (7/7)

        昔日女神鍾麗緹(Christy),16年11月同細佢12年嘅內地男星張倫碩結婚,已育有3名女兒嘅人妻見丈夫精壯聽話,近日表示開turbo幫嫩夫開枝散葉。言猶在耳,近日有內地網民影到張太開心睇婦科,人妻疑「大四喜」高齡佗B!日前,被指四度懷孕嘅張太單拖嚟港,去咗中環ifc掃貨。一向幸福肥嘅初孕Christy全身圓碌碌,坐圍更見豐滿。人妻連環shopping好笑容,買嘢獎勵吓自己再做人母都好應該啦!

鍾麗緹愈愛愈勇,前年三度做人妻,同現年35歲嘅小鮮肉張倫碩組幸福家庭。佢嘅三名女兒是同兩前夫所生,大女老竇係加籍Glen Ross;二女和孻女父親係同第二任老公嚴錚生嘅,月前三個女跟現任老公改晒姓張。一屋女人,天生外母相嘅Christy近日為箍實嫩夫,開到口已戒食生冷食物、唔飲酒及咖啡等保護子宮,心急再生仔。上周,有內地網民巧遇Christy疑似喺醫院婦產科做產檢,加上張倫碩日前喺微博留言:「萬事俱備,只欠東風,起風吧!哈哈哈!」令張太佗B喜訊更似層層!。

刻意遮肚

  日前下午1時,被指初孕嘅Christy單拖現身中環ifc。平日幸福肥嘅佢身形更見圓潤,當日穿上鬆身風褸加腰包遮遮肚,黑色褲下巨躉乍現。雖然薄施脂粉,但人妻個樣睇落好攰,種種跡象都中晒初孕特徵囉!佢先去zara買咗件小朋友衫,然後去Valentino睇衫,見佢攰到打呵欠又坐低等店員服侍,未幾張太就買咗條綠色鬆身運動褲,火速簽卡走人。再行上連卡佛睇帽、揀耳環等等,揀得好happy,心情勁靚。其間望鏡都玩一餐,篤吓塊面check吓皮膚,又嘟嘴賣萌,幾十歲人心境都成個青春少女咁!唔怪得揀個小鮮肉老公回春吓啦!

採訪 : 張詠森

其他文章
久違23年 7月開12場騷 陳潔靈求突破

諗新Concept 歌手陳潔靈(Elisa)95年開過個唱後,相隔23...

hd