首頁 日報娛樂

4000萬港元製作 《東方華爾街》玩盡金融界 吳鎮宇自爆玩股票輸身家

17/05/2018
猶有餘悸
■鎮宇提起當日輸晒身家,都猶有餘悸。
猶有餘悸 ■鎮宇提起當日輸晒身家,都猶有餘悸。(1/8)
■鎮宇和孝全在劇中由大學師徒變成對立局面,自然會大鬥演技。
■鎮宇和孝全在劇中由大學師徒變成對立局面,自然會大鬥演技。(2/8)
(3/8)
■劇中鎮宇、蔡潔和孝全都有感情戲,鎮宇更笑指蔡潔拍的都是牀上動作戲。
■劇中鎮宇、蔡潔和孝全都有感情戲,鎮宇更笑指蔡潔拍的都是牀上動作戲。(4/8)
■經鎮宇自虐式增磅10公斤,確係肥咗又老咗。
■經鎮宇自虐式增磅10公斤,確係肥咗又老咗。(5/8)
■主角陣容除了鎮宇和孝全,還有譚耀文和張可頤。
■主角陣容除了鎮宇和孝全,還有譚耀文和張可頤。(6/8)
■孝全率領的神秘組織,成員除了蔡潔,還有陳家樂、潘燦良等。
■孝全率領的神秘組織,成員除了蔡潔,還有陳家樂、潘燦良等。(7/8)
■該劇是劉德華監製,問到是否因而接拍?孝全話:「最初收劇本時不知是劉德華。」即被鎮宇捉字蝨:「不知劉德華是誰?」搞到孝全面都紅晒勁尷尬解釋,「當然知道,只是不知他是監製。」
■該劇是劉德華監製,問到是否因而接拍?孝全話:「最初收劇本時不知是劉德華。」即被鎮宇捉字蝨:「不知劉德華是誰?」搞到孝全面都紅晒勁尷尬解釋,「當然知道,只是不知他是監製。」(8/8)

  成日聽到股票價格可升亦可跌,玩股票同投資呢啲財技確實唔易,學吳鎮宇話齋,唔係個個都變做李嘉誠啦!雖然鎮宇早前跟台灣男神張孝全和蔡潔等,拍攝福斯傳媒集團新劇《東方華爾街》,大家齊齊飾演金融專家,不斷喺股票巿場角力,但鎮宇講得出呢番語重心長嘅話,只因現實生活中絕對唔係專家,佢仲自爆試過玩股票輸晒副身家,搞到佢以後都驚驚唔敢掂;至於張孝全和蔡潔,私底下一樣對炒股一竅不通,所以佢哋都係專心拍劇算啦!

由福斯傳媒集團及企鵝影視聯合出品,劉德華監製,黃國強執導,以美劇製作為藍本的首部原創迷你劇,而每集製作達100萬美金(約800萬港元)的《東方華爾街》,將於5月24日首播,一連五星期,逢星期四播出。故事以東方金融界為背景,而鎮宇和孝全由大學教授和學生,變成金融體制的高官與神秘組織的領袖,孝全率領蔡潔等精英與鎮宇在明在暗角力。

惡補金融知識入戲

  劇中三人都是金融專家,但現實中原來他們對股票唔多在行,鎮宇仲試過損爛腳冇晒副身家,「以前試過玩,但o依家冇啦!嗰時輸晒!98年嗰次,輸咗幾10萬,冇晒成副身家啦!雖然變晒仙股,但仲有寄信嚟,每年都有幾百蚊息收㗎!哈哈!其實我買過兩次,每次買完都遇着股災,即係證明連我呢啲唔識嘅人都去買,個巿已經係走下坡,所以買股票嘅人真係要好有遠見先得,唔係咁容易。」而對股票一竅不通的孝全更指連睇劇本都有難度,「最初看劇本真的不明白,有很多財經的術語根本不知道是甚麼,於是導演給了我很多資料,但最初都很難理解,後來多看幾次再跟劇本融合,才開始明白一些財技運作方法,但股票真的太難,要留意好多方面時事才行。」蔡潔就笑言自己玩股票遊戲都輸,「相士都話我條命只係得正財冇偏財㗎!」

增肥搞殘為扮老

  由於故事橫跨20年,鎮宇在外形上已有一定難度,「由30幾歲演到50幾歲,我嗰陣拍完《脫皮爸爸》,啱啱減到64公斤,我個健身教練都話,你咪變番以前個磅數74公斤!但係拍攝進度好快,我唯有邊拍邊增嗰10公斤,所以喺馬來西亞吉隆坡拍我喺咁食,又飲酒等個樣腫啲睇落好似肥咗,仲有捱眼瞓等個樣又殘啲,成個感覺就會老咗啦!」雖然聽落好似幾自虐,點都可以任食任飲,所以鎮宇覺得最辛苦都係精神方面,「呢個角色係做緊一啲自己唔想,但係又必需要去做嘅衰嘢,所以長期都好攰,我最初睇劇本唔覺,但係真係上咗身就真係覺得攰啦!」

撰文:杜淑霞 攝影:李權威

髮型:Joe Kwong(吳鎮宇)、Stone(張孝全)

化妝:Kargo Leung(吳鎮宇)、Amber Yen-Diva Taipei(張孝全) 場地:W Hong Kong

其他文章
保良140周年 總動員搞大巡禮 蔡李惠莉全情投入 做好青年發展

今年保良局踏入140周年,主題為「載滿經典、躍動創新」。適逢由「玩具大王」蔡志明太太...

hd