首頁 日報娛樂

孖余德丞做主持獲讚 蔡思貝呼籲關注緬甸孤兒

08/06/2018
■蔡思貝同余德丞好有默契,但強調只係工作上嘅好拍檔,稍後兩人再合作拍劇。
■蔡思貝同余德丞好有默契,但強調只係工作上嘅好拍檔,稍後兩人再合作拍劇。 (1/6)
■兩人攝於仰光火車站街市,有潔癖的Dickson指好迫好多人,置身其中根本笑唔出。
■兩人攝於仰光火車站街市,有潔癖的Dickson指好迫好多人,置身其中根本笑唔出。 (2/6)
■兩人坐火車遊仰光,車廂內試小食,但Dickson見到小販隻手唔係咁乾淨,所以唔敢食。
■兩人坐火車遊仰光,車廂內試小食,但Dickson見到小販隻手唔係咁乾淨,所以唔敢食。 (3/6)
■思貝拉埋Dickson支持音樂學校工程,並指創辦人放晒成副身家去幫兒童起音樂學校,好難得。
■思貝拉埋Dickson支持音樂學校工程,並指創辦人放晒成副身家去幫兒童起音樂學校,好難得。 (4/6)
■夏日炎炎,好動嘅蔡思貝同陽光玩遊戲,大騷正斗身材。
■夏日炎炎,好動嘅蔡思貝同陽光玩遊戲,大騷正斗身材。 (5/6)
■余德丞口花花又風趣,曾經係香港游泳選手,所以做過TVB體育節目主持,仲採訪過奧運選手。
■余德丞口花花又風趣,曾經係香港游泳選手,所以做過TVB體育節目主持,仲採訪過奧運選手。 (6/6)

  蔡思貝(Sisley)同余德丞(Dickson)主持的另類旅遊節目《緬甸奇幻旅程》主打介紹當地人生活,令觀眾如身歷其境。Sisley體驗當地生活12日,感受良多,明白幸福唔係必然,所以她拉埋Dickson身體力行支持緬甸景棟音樂學校工程創辦人Angle,呼籲捐助為弱勢兒童及孤兒院小朋友興建音樂學校,透過音樂令到孩子能自力更生。 採訪:方騫平



  嶄新主持組合在節目中一唱一和好有火花,蔡思貝話好有滿足感:「好多朋友短訊問我緬甸係咪咁靚,有乜好玩?我覺得好成功呀!」被指仰慕思貝的Dickson再賣口乖:「啲人話景靚人就唔使靚,好少有景靚人都靚。」蔡思貝照單全收,亦大讚跟Dickson好快建立到默契,而且對方好細心,但強調唔係佢杯茶,「當地日夜溫差大,因為我唔記得帶厚衫,佢有潔癖都肯借件褸畀我着足全程。另外有晚喺夜市俾小朋友扯住條褲要討錢,Dickson護住我,有呢個拍檔都幾感動。我視黃翠如同洪永城作榜樣,要一凹一凸點綴,希望一年可以拍一次旅遊節目,最想去偏遠嘅地方。」余德承笑住自爆:「其實當時我好驚青,所以邊望住架外景車邊拉住佢,有乜事即閃。」

  日前蔡思貝相約余德丞參觀為緬甸小孩籌建音樂學校的「山樂孩子紀實攝影展」,她說:「細個有學樂器,所以有更深切體會,金錢上我幫唔到,惟有出小小力。每年4月係緬甸暑假,佢哋會搞 Music Camp,明年有時間,可以過去教小朋友彈琴。」余德丞讚同:「我見當地民生唔富裕,小朋友為生活細細個去做和尚,不過我只識吹水,到時都可以去教吓英文。」

其他文章
丹爺邊拍邊畀意見 《大師兄》新演員瞓身演出

由「宇宙最強」甄子丹主演的新戲《大師兄》將於本周四上映。導演闞家偉率領戲中飾演學生的四...

hd