首頁 日報娛樂

出街襯好晒衫 陳嘉寶蔡穎恩真係好老友

08/06/2018
■Anjay同Evelyn去街都襯到絕。
■Anjay同Evelyn去街都襯到絕。 (1/4)
■Evelyn當日幾好胃口,密密食。
■Evelyn當日幾好胃口,密密食。 (2/4)
■兩位黑衣人連步伐亦好似。
■兩位黑衣人連步伐亦好似。 (3/4)
搭住膊頭行街   之前影到Anjay同Evelyn又約埋食飯行街,後者仲搭住前者膊頭行住傾。
搭住膊頭行街   之前影到Anjay同Evelyn又約埋食飯行街,後者仲搭住前者膊頭行住傾。 (4/4)

  人妻陳嘉寶(Anjaylia)同蔡穎恩(Evelyn)做O靚模入行,話咁快十年,前者喺去年尾同初戀男友結婚,後者同攝影師男友拍咗五年拖,應該都好快嫁,兩位朋友入行無耐已經好Friend, 話晒同行,友誼Keep到十年真係唔容易。日前下午,老友記約埋食Tea再去搵朋友,兩人同穿黑皮黑Tone加白鞋,做得老友,品味自然咁上下。 採訪:梁志明、李維隆、李權威

  陳嘉寶畀人乖乖女感覺,事實佢的確好Pure,去年就同拍拖4年嘅初戀男友結婚,28歲,後生又唔係無工開,咁快做人妻,的確是極罕例子。而Evelyn入行初期個勢其實幾好,但之後無以為繼,最多扮到靚靚出吓活動,That's all。

  當日下午,化晒妝嘅黑衣Anjay同黑衣Evelyn喺鯉景灣食泰菜,兩位老友好好傾,邊食邊講足一個鐘,食飽埋完單補完妝,兩人行去附近一間教畫畫及陶瓷的Workshop,原來當日Workshop有活動,兩位一入店內已逐個朋友打招呼,Anjay摸大肚朋友個肚肚,發現記者嘅佢又同記者打招呼,而Evelyn就咬住手指四圍睇。

其他文章
丹爺邊拍邊畀意見 《大師兄》新演員瞓身演出

由「宇宙最強」甄子丹主演的新戲《大師兄》將於本周四上映。導演闞家偉率領戲中飾演學生的四...

hd