首頁 日報娛樂

就快生得 偕小王子出巡 女皇葉翠翠搵老爺奶奶做阿四

08/06/2018
隨時生得
個肚籮咁大嘅翠翠,同老爺奶奶出街無乜交流,仲叫兩老幫手拎嘢,有「人質」喺手係恃寵而驕O架!
隨時生得 個肚籮咁大嘅翠翠,同老爺奶奶出街無乜交流,仲叫兩老幫手拎嘢,有「人質」喺手係恃寵而驕O架!(1/7)
老婆奴 周曉東一向被愛妻馴服到聽聽話話,湊仔孭嘢等,服侍周到。
老婆奴 周曉東一向被愛妻馴服到聽聽話話,湊仔孭嘢等,服侍周到。(2/7)
霸氣媳婦
當日大肚翠翠全無笑容,反而多咗份霸氣。
霸氣媳婦 當日大肚翠翠全無笑容,反而多咗份霸氣。(3/7)
企定等order 翠翠夫婦初時湊埋個仔睇嘢,老爺奶奶就企埋一邊等差遣。
企定等order 翠翠夫婦初時湊埋個仔睇嘢,老爺奶奶就企埋一邊等差遣。(4/7)
網上搵奶粉錢
成為媽咪級KOL嘅翠翠,近日喺網上分享「翠翠孕記」之餘,更常常「賣廣告」。
網上搵奶粉錢 成為媽咪級KOL嘅翠翠,近日喺網上分享「翠翠孕記」之餘,更常常「賣廣告」。(5/7)
小王子牛一 4月時,小王子Jake一歲生日,翠翠帶B仔去睇魚魚食大餐。
小王子牛一 4月時,小王子Jake一歲生日,翠翠帶B仔去睇魚魚食大餐。(6/7)
 肥肚唔肥身
早前,翠翠為第二胎影咗輯大肚寫真,對腹中baby性別好口密,話出世先講喎!
 肥肚唔肥身 早前,翠翠為第二胎影咗輯大肚寫真,對腹中baby性別好口密,話出世先講喎!(7/7)

        36歲嘅葉翠翠,去年4月替丈夫周曉東誕下7磅半重嘅「小王子」周津羲(Jake)後,修身無耐又極速成功「造人」,今年1月宣佈懷第二胎,預產期為今個月。日前傍晚,臨盆在即嘅翠翠挺巨肚同丈夫、寶貝仔及老爺奶奶現身中環ifc。見翠翠兩公婆睇咖啡機其間,兩老企埋一邊等「女皇」人妻差遣。最後等足半個鐘,老爺奶奶負責做「阿四」,拎嘢跟實離開。

        為老公一索得男嘅葉翠翠,兩年抱兩,老公周曉東自然對佢寵愛有加。預產期係今個月嘅翠翠,身形如上一胎一樣得天獨厚,肥胎唔肥身,手腳無乜水腫。佢更透露由於現時14個月大嘅肥B仔已有30磅重,醫生叮囑佢生BB前唔好抱囝囝,怕用力抱時會穿羊水而早產,以及盡量避忌出街。

產前出關

  日前傍晚,早已執定「走佬袋」隨時入院生仔嘅翠翠喺丈夫陪同下產前出關。大肚婆因為早前漂眉、漂唇,就算唔係點化妝,睇落都好精神兼皮光肉滑。一家人歎茶後去咗睇咖啡機。初時,翠翠老公孭住個巨型奶粉袋、又抱埋重磅餅印仔,陪喺愛妻身邊等店員拎部咖啡機睇。但坐喺櫃台嘅一歲B仔手fing fing搞亂檔,掃咗啲嘢落地,人夫就吃力咁踎低身,一手抱B、一手執嘢。星級媽咪怕出醜,就叫老公「吩咐」兩老睇實粒孫,然後面黑黑咁聽店員講解。逗留約半小時,無笑容兼霸氣十足嘅「女皇」翠翠滿足收貨,丈夫就負責畀錢。老爺奶奶就負責拎咖啡機和一大袋咖啡,跟實翠翠走人。

採訪 : 李維隆

其他文章
丹爺邊拍邊畀意見 《大師兄》新演員瞓身演出

由「宇宙最強」甄子丹主演的新戲《大師兄》將於本周四上映。導演闞家偉率領戲中飾演學生的四...

hd