首頁 日報娛樂

飛俄羅斯睇世界盃 陳奕迅為重現腮骨做Gym

13/06/2018
■Eason話自己再踢番足球,為咗可以唔再守龍門要再操Fit啲。
■Eason話自己再踢番足球,為咗可以唔再守龍門要再操Fit啲。 (1/3)
■從Eason側身可見,以往脹卜卜的肚腩仔已消失。
■從Eason側身可見,以往脹卜卜的肚腩仔已消失。 (2/3)
■Eason自爆為上鏡可以精神啲而想做消眼袋微調,最後都打消念頭。
■Eason自爆為上鏡可以精神啲而想做消眼袋微調,最後都打消念頭。 (3/3)

  明顯瘦咗的陳奕迅(Eason)昨日出席世界盃活動,對於肚腩仔Bye Bye,身形變Fit,Eason沾沾自喜話食少咗,又會打羽毛球同網球,最主要每星期做一至兩次Gym,已開始了一個月,因為好掛住腮骨位,好想佢重現。

  Eason自爆將出發去俄羅斯睇世界盃賽事,他興奮指未去過當地、又未去過現場睇世界盃。

  由於這次是工作關係,所以無帶家人同行,他擔心俄羅斯食物唔知啱唔啱口味,亦一定會去食出名嘅魚子醬。

  講到做Gym,Eason話每次做個半鐘,仲搞笑話自己惰性嚴重:「成40幾年都冇做過(Gym),醫生話啲肌肉唔夠強,就會卸晒啲力落關節位,做運動好,呼吸都順啲!」Eason又話另一的起心肝Keep Fit原因是想腮骨位重現:「條頸水腫,太粗,好掛住呢個位(腮骨位),係時候要搵返。」問瘦咗幾多磅?他表示無刻意留意。老婆徐濠縈有無讚?Eason笑住答:「佢嘅讚賞就係睇你哋(記者)覺得我有冇瘦。」

其他文章
丹爺邊拍邊畀意見 《大師兄》新演員瞓身演出

由「宇宙最強」甄子丹主演的新戲《大師兄》將於本周四上映。導演闞家偉率領戲中飾演學生的四...

hd