首頁 日報娛樂

搬離家姐試獨居 黃心穎唔認方便見馬明

15/06/2018
■心穎自爆是個家品迷,得閒就會買落大批家品預備將來粉飾屋企。
■心穎自爆是個家品迷,得閒就會買落大批家品預備將來粉飾屋企。 (1/6)

  黃心穎在《宮心計2深宮計》跟劉心悠演好姊妹,原來兩人戲裏戲外一樣好感情,她承認拍劇朝夕相對,確實有助友情升溫,當然亦有助她跟馬國明的愛情增長啦!不過她強調兩人公私分明,會將戲裏戲外感情分開。而她又自爆將搬離跟家姐黃心美同居,嘗試過獨居生活,不過否認為方便跟馬明見面。 

採訪:杜淑霞 髮型:Steve Shek @ Hair 化妝:Jeff Tang

  心穎謂拍《深宮計》最開心認識了心悠這個好姊妹,「可能我哋大家都喺外國長大,特別啱傾,佢人又nice,大家相處得好開心。我哋有好多對手戲,大家可以好似戲裏面咁好感情,大家開工真係開心好多㗎!」

讚男友夠專業

  講到同馬明會否一樣日久生情,心穎趁機讚男友,「我會將戲裏戲外嘅感情分開嘅,但係大家合作多咗係會更加了解,佢真係好專業。最難忘有場戲我要勁喊,事前我好緊張驚自己喊唔出,好彩到拍嘅時候佢讓拍大頭先,但佢照樣喺度喊住畀反應帶我入戲,仲要佢次次都喊到,喺佢身上我學到咩係專業。」

  談到馬明曾表示未敢娶心穎住,因覺得她仲想喺事業發展,心穎亦承認,「我真係未準備好結婚,嚟緊我唔會再同家姐一齊住,自己搬出嚟獨居,想學識自己照顧自己先,唔敢諗結婚照顧一個家庭。(獨居係咪方便馬明嚟探你?)哈哈!唔關事!我有買家品習慣,但擺晒喺迷你倉,都想有機會攞出嚟用。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd