首頁 日報娛樂

撇仔女二人世界 甘比甜笑陪大劉 溫馨歎意菜

29/06/2018
恩愛夫妻
■結婚未夠兩年嘅大劉和甘比間中連體出活動,大晒恩愛。
恩愛夫妻 ■結婚未夠兩年嘅大劉和甘比間中連體出活動,大晒恩愛。(1/8)
幸福笑容 ■誕下孻女回復苖條身材嘅甘比,當晚打扮靚靚挽黃色Kelly鱷魚皮手袋與丈夫大劉撐枱腳。離開時,劉太keep住冧笑,畫面好幸福!
幸福笑容 ■誕下孻女回復苖條身材嘅甘比,當晚打扮靚靚挽黃色Kelly鱷魚皮手袋與丈夫大劉撐枱腳。離開時,劉太keep住冧笑,畫面好幸福!(2/8)
保鏢護送
■四名保鏢前後左右保護大劉夫婦,大劉精神睇落好好。
保鏢護送 ■四名保鏢前後左右保護大劉夫婦,大劉精神睇落好好。(3/8)
悉心打扮 ■甘比穿上一層層layer白色裙配厚底涼鞋,仙氣現身。
悉心打扮 ■甘比穿上一層層layer白色裙配厚底涼鞋,仙氣現身。(4/8)
帶子女派糭
■日前,熱心關注社會弱勢社群嘅甘比,帶埋子女去探訪丈夫大劉以母親劉葉淑婉命名、在深水埗開設嘅「劉葉淑婉紀念自修中心」,向長者派糭。
帶子女派糭 ■日前,熱心關注社會弱勢社群嘅甘比,帶埋子女去探訪丈夫大劉以母親劉葉淑婉命名、在深水埗開設嘅「劉葉淑婉紀念自修中心」,向長者派糭。 (5/8)
親自湊仔 ■身家豐厚嘅甘比愛親自湊小朋友,早前就帶9歲大女秀樺和5歲二子仲學出街買禮物,慶祝兒童節。
親自湊仔 ■身家豐厚嘅甘比愛親自湊小朋友,早前就帶9歲大女秀樺和5歲二子仲學出街買禮物,慶祝兒童節。(6/8)
年初誕B女
■今年一月底,甘比再為丈夫誕下B女Josie。其後大劉帶大女陪太太去養和醫院探望初生女。
年初誕B女 ■今年一月底,甘比再為丈夫誕下B女Josie。其後大劉帶大女陪太太去養和醫院探望初生女。(7/8)
捧場客 ■早年,甘比帶一歲大女秀樺與家人到Da Domenico用膳。
捧場客 ■早年,甘比帶一歲大女秀樺與家人到Da Domenico用膳。(8/8)

        66歲富商劉鑾雄(大劉)於16年12月迎娶38歲甘比(陳凱韻),二人婚前已育有大女秀樺及兒子仲學,今年1月劉太剖腹誕下約7磅重嘅B女Josie,少奶甘比仍堅持貼身親自湊仔。平日最愛做善事嘅劉氏夫婦,日前晚上撇下三子女外出二人世界。當晚富豪夫婦去咗至愛嘅銅鑼灣Da Domenico餐廳品嚐頂級意大利菜。撐枱腳近兩小時,精神甚佳嘅大劉扶實愛妻玉手恩愛步出,兩夫妻有講有笑,人妻全程甜笑又冧望丈夫,幸福盡在不言中。

  大病初瘉的大劉,近年將慈善基金事務全部交由太太甘比推動,劉太亦愛身教子女行善。早前端午節前夕,劉太甘比再度探訪深水埗區街坊,偕子女一齊做善事,親自派糭給區內長者,善心滿載。

積極行善

  日前周六晚上,大劉自訂浪漫大計,陪愛妻甘比外出溫馨dinner。據了解,一向當福臨門係飯堂嘅大劉,多年嚟亦愛定期到銅鑼灣Da Domenico歎意菜。當晚,劉氏夫婦歎意菜撐枱腳。見穿上一層層layer白色裙嘅劉太配厚底涼鞋,而擁有超過700個Hermes手袋嘅佢,當日揀選挽一個約45萬嘅黃色Kelly鱷魚皮手袋襯summer look,貴氣之中又清雅。

  二人喺餐廳甜蜜進餐兩小時至十時許,兩名戴口罩、手上有白毛巾嘅貼身保鑣一前一後護送大劉夫婦步出,大劉精神好好,一邊扶實愛妻玉手;一邊溫柔耳語,O氹到老婆愈笑愈甜。富豪夫婦發現有記者,禮貌一笑後就繼續開心吹水。門外再有兩保鏢加入護送,一行六人浩浩蕩蕩步往「ILOVEYOU」車牌嘅白色七人車,大劉細心先扶太太上車,然後雙雙坐車返家。

採訪 : 張詠森、梁志明

其他文章
保良140周年 總動員搞大巡禮 蔡李惠莉全情投入 做好青年發展

今年保良局踏入140周年,主題為「載滿經典、躍動創新」。適逢由「玩具大王」蔡志明太太...

hd