首頁 日報娛樂

曼谷甜蜜短遊 Fit爆李澤楷與索女池邊溫馨

03/07/2018
溫馨談心
    Richard同疑似Karmen喺池邊曬住太陽傾偈,雖然兩人年紀相差26年,但有說不完的話題,完全零代溝。而50有1的Richard不時落水浸吓,估唔到佢肌肉好扎實,線條啱啱好。
溫馨談心 Richard同疑似Karmen喺池邊曬住太陽傾偈,雖然兩人年紀相差26年,但有說不完的話題,完全零代溝。而50有1的Richard不時落水浸吓,估唔到佢肌肉好扎實,線條啱啱好。(1/4)
(2/4)
疑似Karmen
疑似Karmen(3/4)
落水降溫 Richard落泳池純浸水,無一展泳姿。
落水降溫 Richard落泳池純浸水,無一展泳姿。(4/4)

        剛踏入30歲的梁洛施(Isabella)開完ig再開埋微博戶口高調快樂復出,而其前度,三子的父親,擁43億美元(約335億港元)身家,51歲的超級鑽石筍盤李澤楷(Richard)跟15年港姐季軍,25歲的郭嘉文(Karmen)拍拖兩年同樣好甜密,兩人年紀雖相距26年,但相處好快樂,一有假期即去旅行享受難得的二人世界。日前,鍾情泰國的Richard與疑似Karmen趁周末及七一回歸假期,到曼谷甜蜜短遊,兩人入住去年初才落成的五星級Park Hyatt酒店豪華總統套房共度三日兩夜浪漫假期。

        16年2月,Richard及Karmen被爆在東京共度情人節後,前者下旨確認女友身份:「We are fine」,升呢「楷女郎」的Karmen過住令港女超葡萄的好生活。去年3月,郭嘉文便以個人名義購入九龍塘的逸瓏天池屋,成交價一億零六百八十萬元,資料顯示未有任何按揭。

51歲無肥肉

  上周六(30日)傍晚6時多,撇甩保鏢的李澤楷和疑似郭嘉文下榻五星級的Park Hyatt酒店,兩人入住港幣$8000多一晚的總統套房,內有一張King Size牀,還有按摩浴池。Park Hyatt 是凱悅 Hyatt酒店集團最高級的品牌,酒店最大賣點是擁有40米長無邊際泳池。兩人安睡一晚後,周日(1/7)中午1時,御下西裝戰衣的李澤楷戴上黑超,急不及待到9樓參觀特色泳池,同行的仲有酒店經理,邊行邊向呢位超級VIP簡介泳池吸引之處,講到Richard心郁郁,穿上運動褲型泳褲的他即脫下上衣,落水Feel吓,雖然51歲,但Richard無半點多餘脂肪,唔算好健碩但有線條,而不施脂粉,戴住太陽眼鏡及穿短褲的疑似Karmen,獨坐池邊望住男友一舉一動。

體貼的Richard

  雖然兩人好低調冇手拖手,但就keep住高度戒備,聽見池邊有人講廣東話即將說話音量收細,兩人曬住太陽談心,喁喁細語一輪,Richard就好貼心地先行入池邊餐廳為女友準備午餐,女方趁機獨個兒曬多陣太陽,然後再行入餐廳會合男友。

採訪:方騫平

其他文章
保良140周年 總動員搞大巡禮 蔡李惠莉全情投入 做好青年發展

今年保良局踏入140周年,主題為「載滿經典、躍動創新」。適逢由「玩具大王」蔡志明太太...

hd