首頁 日報娛樂

暗藏中佬兵兩年 湯寶如姣笑玩捉手指

06/07/2018
■當晚久旱逢甘霖好happy嘅湯記,笑到成個少女咁同中佬玩手指。
■當晚久旱逢甘霖好happy嘅湯記,笑到成個少女咁同中佬玩手指。 (1/7)
■湯記出招冧兵哥,對方如痴如醉。
■湯記出招冧兵哥,對方如痴如醉。 (2/7)
■四眼男想再摸吓手仔,湯記姣笑縮手,吊晒男友癮。
■四眼男想再摸吓手仔,湯記姣笑縮手,吊晒男友癮。 (3/7)
■兩人愈傾愈埋,貼頭耳語。
■兩人愈傾愈埋,貼頭耳語。 (4/7)
■湯記未婚育有現年10歲大嘅兒子。
■湯記未婚育有現年10歲大嘅兒子。 (5/7)
■16年中,本報首度揭發湯記約呢位四眼男撐枱腳。
■16年中,本報首度揭發湯記約呢位四眼男撐枱腳。 (6/7)
■近日,有指湯記耍大牌被踢出《流行經典50年》,但佢否認,只係話要出新歌所以停一停。
■近日,有指湯記耍大牌被踢出《流行經典50年》,但佢否認,只係話要出新歌所以停一停。 (7/7)

  46歲嘅前寶麗金小花湯寶如(湯記),早年被爆未婚生仔,為賽車手男友陳德民誕下一子。近日傳出湯記主持無線節目《流行經典50年》時「扮阿姐」,被飛出節目!是非纏身,但美魔女全無影響心情,日前晚上約咗秘藏起碼兩年嘅四眼中佬兵哥去銅鑼灣撐枱腳。飯後二人仲當街玩捉手指調情,有人慰藉,湯記寧舍心花怒放啦! 採訪 : 梁志明

  一直憑金曲《相思風雨中》食老本、密密喺內地登台搵銀嘅湯寶如,多年嚟一直透露同賽車手兼商人男友陳德民同一屋簷下撫養現年十歲大嘅囝囝,但無結婚又分房瞓逾8年。無人管,咁湯記就可以出去識吓男朋友啦!早於兩年前,本報已撞破佢和一位四眼男友人喺銅鑼灣密會,女方食嘢時托頭撒嬌,四眼男睇到如痴如醉。

  日前晚上,湯記喺內地登台後返港又相約呢位男密友去利園COVA撐枱腳,二人甜歎兩個半鐘,傾到餐廳就快打烊才肯走人。離開時,兩個加埋近百歲嘅痴男怨女喺商場「玩遊戲」唔捨得走。玩咩呢?只見湯記好識捕捉男人心理,叫對方伸出手指,然後一手捉實對方,過晒電啦!四眼男好開心,要求再玩多次,此時湯記卻姣笑突然縮手,欲拒還迎咁高招,吊晒男友癮囉!不過四眼男依舊露出好迷戀女方嘅眼神,陪女神去等的士,最後目送女神上車走人,才落寞離開。

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd