首頁 日報娛樂

代言走數風波羅生門 廣告商老闆:佢白支人工 羅霖:我唔肯去飯局

06/07/2018
願意對質
■羅霖希望有關公司遵守合約精神,亦唔介意開記者會對質,「藝人都好講聲譽,我仲要出嚟做㗎。」
願意對質 ■羅霖希望有關公司遵守合約精神,亦唔介意開記者會對質,「藝人都好講聲譽,我仲要出嚟做㗎。」(1/5)
羅霖三宗罪 反骨無情 ■跟譚老闆對話中,羅霖回應得相當決絕。
羅霖三宗罪 反骨無情 ■跟譚老闆對話中,羅霖回應得相當決絕。(2/5)
無中生有
■去年7月1日,公司出最後一張4萬港元支票給羅霖作allowance,鐵證非她口中所指一直冇出糧。
無中生有 ■去年7月1日,公司出最後一張4萬港元支票給羅霖作allowance,鐵證非她口中所指一直冇出糧。(3/5)
講一套做一套 ■Parry指羅霖年多以來零生意,亦沒有大力推介產品,甚至在17年2月開始以拍劇為由連推三個job,但遲咗幾日未過數就追錢,更提醒公司要每月5號前出糧。
講一套做一套 ■Parry指羅霖年多以來零生意,亦沒有大力推介產品,甚至在17年2月開始以拍劇為由連推三個job,但遲咗幾日未過數就追錢,更提醒公司要每月5號前出糧。(4/5)
斥不盡責
■陳思源展示公司跟羅霖簽下她自訂的不平等合約,合約中冇列明under show的後果,Parry強調:「老闆絕對冇諗過走數,只係希望大家解決餘下嘅合約問題,唔好一嚟就訴諸法律。」
斥不盡責 ■陳思源展示公司跟羅霖簽下她自訂的不平等合約,合約中冇列明under show的後果,Parry強調:「老闆絕對冇諗過走數,只係希望大家解決餘下嘅合約問題,唔好一嚟就訴諸法律。」(5/5)

  早前,羅霖(Candy)出席活動自爆正入稟法院,追討近7位數的髮型產品代言費及股份,望避開她的廣告商良心發現肯找數。對於羅霖「走數」指控,品牌創辦人譚集徽爵士透過公司總經理陳思源(Parry)接受本報訪問並提供證據,力斥羅霖無中生有、反骨無情及講一套做一套三宗罪,Parry更要求羅霖澄清對公司聲譽構成重大傷害的指控,否則保留法律追究權利。而羅霖答得輕鬆:「我把口冇人咁叻,唔識中傷人,但我有法律理據,感恩可對簿公堂還我公道。」採訪:

據Parry表示,年前羅霖向剛認識的譚爵士主動表示對幫到她的護髮產品感興趣,加上認識很多圈中人,可以在朋友圈推介生意。老闆原意以分紅形式和羅霖合作,由2016年3月開始,合約兩年間,羅霖可拿產品5%生意額作花紅,但羅霖稱一個人湊住三個仔,每個月供書教學好辛苦,而老闆欣賞她做單親母親好堅強,最後願意多給她93萬港元allowance(補貼,而非代言費),頭3個月每月獲3萬港元,之後21個月按月支付4萬港元,有關合約細則由羅霖草擬,列明她要履行產品推廣工作,每月務必出席一個少於15小時的推廣活動,但冇詳述做唔夠時間的後果。Parry解釋:「當時佢話合約係攞嚟睇,合作時有走棧位,可彈性處理。而老闆知佢有困難,一簽約即出糧3個月(9萬港元)以示誠意。」

反面收場

  Parry指羅霖不斷推Job,度足大半年只能出席去年7月23日的公司三周年聚會,出埋7月份allowance後,公司要求跟她面談進一步商討合約問題,但羅霖遲遲未有回應。至日前突然公開炮轟,反面收場:「佢無中生有大家都好錯愕,17年8月前我哋一直有付款,我哋無逃避佢,亦冇接過佢任何律師信。報道出街後,佢只係好決絕咁要求譚爵士畀返8個月即32萬港元尾數,更指係唯一解決方法。」

不甘被屈

  記者就Parry說法向羅霖了解,她並不認同:「呢件事(走數)我係好唔開心,最怕事情反轉嚟講。阿媽教落做人蝕底吓冇所謂,但屈我就會力撐到底。件事喺去年8月開始發生,公司拖數係因為當時譚爵士太太有大病要錢周轉。我都畀咗3個月機會佢哋,先交由律師樓負責追討,可能佢哋成日搬公司收唔到律師信啫。」她續說:「之前我係因為拍劇所以有短時間出唔到活動,但肯定冇半年咁耐,我係佢公司代言人同股東,合約訂明唔使日日返公司坐。去年4月29日《世界和平小姐大賽》發佈會我免費幫佢哋做搞手,仲搵埋紅酒、珠寶等贊助商,又唔見佢講?佢哋搵我有啲job唔係推廣活動,只係佢哋搵客去食飯,做吓生日聚會,有正式活動嘅話我一定會度期,佢哋最重要嘅三周年活動我都有請假去啦。」

方騫平、李維隆

其他文章
保良140周年 總動員搞大巡禮 蔡李惠莉全情投入 做好青年發展

今年保良局踏入140周年,主題為「載滿經典、躍動創新」。適逢由「玩具大王」蔡志明太太...

hd