首頁 日報娛樂

廚藝有進步 唐詩詠難忘整燶朱古力

07/07/2018
■唐詩詠表示自己廚藝都可以,最叻是煲湯。
■唐詩詠表示自己廚藝都可以,最叻是煲湯。 (1/2)
■唐詩詠向小朋友即席示範整蛋糕。
■唐詩詠向小朋友即席示範整蛋糕。 (2/2)

  唐詩詠昨日出席一個烘焙活動開幕禮,跟一班小朋友示範整蛋糕。現在略懂廚藝的她坦言愛煮中餐,最叻就是煲湯,所以若另一半懂下廚必會加分。

  唐詩詠透露,曾在情人節炮製朱古力甜品送給心儀的男仔,但弄錯製作步驟告失敗,「情人節興送朱古力,所以我試吓整,不過第一次整燶咗,因為我上網搵步驟,睇啲唔睇啲,後尾惟有買現成嘅朱古力,溶咗再倒模送畀對方。」

  詩詠稱自己的廚藝都可以,最愛煮中餐,最拿手就是煲湯,她希望像毛舜筠一樣修讀藍帶課程,更笑言男士懂下廚會加分,她續說:「男人識煮嘢食好有吸引力,而女士就最啱整甜品,我鍾意留喺屋企,如果同男朋友一齊下廚就最好,所以好羨慕田蕊妮有個咩都識煮嘅老公(杜汶澤)。」但她表示,不會刻意叫朋友介紹這類男仔給她認識。

其他文章
入行20年首度在港開個唱 孫耀威揚言睇到觀眾嘩嘩叫

43歲的孫耀威(Eric)入行20年,將於11月16及17日在九展舉行首個香港個人演唱...

hd