首頁 日報娛樂

與祖兒同遊日本 軒仔笑言玩「相睇」

07/07/2018
■軒仔否認陪祖兒療情傷。
■軒仔否認陪祖兒療情傷。 (1/3)
■軒仔、祖兒和蘇康早前同遊日本。
■軒仔、祖兒和蘇康早前同遊日本。 (2/3)
■吳若希直認有「𢱑撈」。
■吳若希直認有「𢱑撈」。 (3/3)

  張敬軒前晚出席《勁歌金曲優秀選第一回》,先拔頭籌連奪兩獎。對於容祖兒和劉浩龍離離合合的傳聞,他自爆早前與祖兒去日本,但否認為她療情傷,是「相睇」就真,原來是指「相約一齊睇演唱會」。



  張敬軒透露,因蘇永康多了張門票,早前的日本之旅變成三人行,「我唔認為祖兒需要療情傷,應該講我同祖兒去東京相睇,係相約睇演唱會。我唔會八卦佢嘅感情事。」軒仔不覺得祖兒失戀,只覺得她幾開心,被愛包圍。

  提到祖兒早前斥資買2億豪宅,軒仔說:「唔出奇,佢有實力,係會生金蛋嘅金鵝,加上有理財高手、好錫佢嘅媽咪,我有時都會取經。」

  同場的吳若希只得一曲入圍,成績遜色於師弟妹胡鴻鈞和菊梓喬。有指若希「星夢一姐」地位不保,豈料她大方直認有「𢱑撈」,與菊梓喬存在很深芥蒂,並說︰「有良性競爭是開心事。」

其他文章
入行20年首度在港開個唱 孫耀威揚言睇到觀眾嘩嘩叫

43歲的孫耀威(Eric)入行20年,將於11月16及17日在九展舉行首個香港個人演唱...

hd