首頁 日報娛樂

鬼馬Daddy撇囡囡 陸永護索妻銅記做Facial

10/07/2018
■高大陸永伴在靚老婆身邊幫手搵路,索妻一味用手搣嘴。
■高大陸永伴在靚老婆身邊幫手搵路,索妻一味用手搣嘴。 (1/7)
■老婆去洗手間,人夫繼續努力睇手機。
■老婆去洗手間,人夫繼續努力睇手機。 (2/7)
■拎住個Hermes Lindy bag嘅陸太,淡妝都好靚。
■拎住個Hermes Lindy bag嘅陸太,淡妝都好靚。 (3/7)
■陸永上樓前撞到老友吳家樂。
■陸永上樓前撞到老友吳家樂。 (4/7)
■吳家樂約咗「鐵騎車友」雷頌德(右)去街。
■吳家樂約咗「鐵騎車友」雷頌德(右)去街。 (5/7)
■父親節,陸永三父女玩跳舞game勁溫馨。
■父親節,陸永三父女玩跳舞game勁溫馨。 (6/7)
■靚太Reina讚丈夫幫手湊女,係No.1 dad。
■靚太Reina讚丈夫幫手湊女,係No.1 dad。 (7/7)

  有個風趣幽默嘅男人,成個家都充滿溫馨笑容啦!陸永就係好男人嘅人辦,出晒名錫老婆同兩個寶貝囡囡,被索妻Reina封做「No.1 dad」。日前下午,陸永唔使開工就撇下囡囡,陪淡妝愛妻落銅鑼灣做facial,見佢做埋保鏢護送靚老婆上樓,放低老婆仔再落樓傾電話,好抵讚! 採訪 : 李權威



  陸永2011年同老婆Reina奉子成婚,婚後生咗兩個可愛嘅囡囡Hannah同Simsim。早排父親節,陸太喺社交網po咗張舊相,相中陸永正為細女掃風,大女揸住水樽餵父親飲水,溫馨到震,老婆留言讚奶爸係「No.1 dad」。老婆激讚,好爸爸亦身體力行愛錫囡囡,同兩位「前世情人」玩跳舞game,三父女扭身扭籮好合拍O架!

  日前下午,呢位絕世好daddy唔使湊女,陪老婆大人現身銅鑼灣。兩夫婦喺利園街頭四圍望搵路,薄妝陸太唔知係咪個嘴dry到甩皮,一味用手搣嘴;而高大老公就用手機search吓搵路。兩公婆貼頭有講有笑,結婚7年,恩愛如昔。之後,人夫護送索妻去附近一幢商廈嘅樓上美容院,喺lift lobby咁啱撞到老友吳家樂,見家樂仔原來約咗「鐵騎車友」雷頌德兩夫婦high tea,陸永和家樂仔吹兩句就送老婆上樓。未幾一支公落樓傾電話,覆晒啲電話再返上美容院等老婆。

其他文章
爆古惑佬Gay味濃 曾志偉讚錢嘉樂報導有Heart

由曾志偉、錢嘉樂、鄭伊健、陳小春、謝天華和林曉鋒主演的新戲《黃金兄弟》將於本周四上映。...

hd