首頁 日報娛樂

陪父親霍震霆商務晚宴 霍啟剛收Call同乖仔密密傾

10/07/2018
溫柔O氹仔
■啟剛似接到寶貝仔來電,緊張走到餐廳外面傾電話,來回踱步以溫柔toneO氹仔。
溫柔O氹仔 ■啟剛似接到寶貝仔來電,緊張走到餐廳外面傾電話,來回踱步以溫柔toneO氹仔。(1/7)
睇錶講數 ■廿四孝daddy睇睇錶,似承諾阿仔要幾點回家。
睇錶講數 ■廿四孝daddy睇睇錶,似承諾阿仔要幾點回家。(2/7)
霍震霆好笑容
■臨上車前,霍震霆笑笑口和外籍男吹多兩句,心情靚靚。
霍震霆好笑容 ■臨上車前,霍震霆笑笑口和外籍男吹多兩句,心情靚靚。(3/7)
司機接載 ■應酬完後,霍震霆除下西裝輕鬆上車。
司機接載 ■應酬完後,霍震霆除下西裝輕鬆上車。(4/7)
提早打的走
■唔通啟剛要趕返家O氹仔瞓覺,早15分鐘走人。
提早打的走 ■唔通啟剛要趕返家O氹仔瞓覺,早15分鐘走人。(5/7)
湊仔食麥記 ■月前,啟剛收工後帶兒子去數碼港嘅麥當勞買外賣。
湊仔食麥記 ■月前,啟剛收工後帶兒子去數碼港嘅麥當勞買外賣。(6/7)
運動小子
■啟剛曾讚兒子有運動細胞,踢足球有天份,識得游水仲學緊劍擊,而且最叻向家人講「I Love You」O氹人歡心。
運動小子 ■啟剛曾讚兒子有運動細胞,踢足球有天份,識得游水仲學緊劍擊,而且最叻向家人講「I Love You」O氹人歡心。(7/7)

        霍啟剛作為顯赫嘅霍英東家族後人又係長房長孫,自12年11月與拍拖逾8年嘅前國寶級「跳水公主」郭晶晶舉行世紀婚禮後,翌年已為家族開枝散葉。愛妻晶晶一索得男,13年8月誕下兒子中曦,去年4月再誕下近8磅重嘅重秤B女中妍,湊成「好」字。

掛住小寶貝

  日前周五晚7時,見霍震霆和啟剛兩父子西裝骨骨,喺百德新街一西餐廳商務晚宴。一行十幾人嘅dinner有內地、外國人和港人,部份人胸前掛住個證。而有好多公職在身嘅72歲霍震霆,當晚特別叫埋長子啟剛前來,見啟剛好有禮貌逐一打招呼又派卡片。其間,啟剛手機響起,佢即甜絲絲走出外面傾電話,一邊溫柔傾又緊張睇錶,似係收到4歲寶貝仔中曦嘅電話。瞬間變身廿四孝daddy嘅啟剛又呵又O氹,用咗幾分鐘安撫小寶寶,收線後急步拆返餐廳。及至9時許,心繫家中一對小寶貝嘅人父啟剛提早離開,急步行去怡東酒店打的返家。十數分鐘後,一行人陸續步出,霍震霆和外籍男傾多兩句,才由司機接載走人。

其他文章
《是咁的,法官閣下》題材貼地 黃智賢讚王君馨可愛 望再合作

黃柏高   由黃智賢(Ben)、王君馨(Grace)和王梓軒主演的TVB劇集《是...

hd