首頁 日報娛樂

打女化身美女廚神 楊柳青手震震整CakeO氹母

13/07/2018
■近日,Wiyona有份拍TVB新劇《解決師》,首次做斯文俏秘書,唔使郁手郁腳。
■近日,Wiyona有份拍TVB新劇《解決師》,首次做斯文俏秘書,唔使郁手郁腳。 (1/6)
■簡單將cream掃上餅底,Wiyona都雞手鴨腳。
■簡單將cream掃上餅底,Wiyona都雞手鴨腳。 (2/6)
■《洩密者們》中飾演殺手嘅楊柳青(左),有幕扮酒店執房員殺周秀娜(右)。
■《洩密者們》中飾演殺手嘅楊柳青(左),有幕扮酒店執房員殺周秀娜(右)。 (3/6)
■楊柳青勤力做gym,身形好fit。
■楊柳青勤力做gym,身形好fit。 (4/6)
■Wiyona(右二)早前跟韋家雄(中)等拍新片《擊鬥女神》,戲中同其他演員打MMA。
■Wiyona(右二)早前跟韋家雄(中)等拍新片《擊鬥女神》,戲中同其他演員打MMA。 (5/6)
■同為太陽娛樂藝人嘅楊柳青和灰熊(左),早前跟武術家Chris Collins(中)學搏擊。
■同為太陽娛樂藝人嘅楊柳青和灰熊(左),早前跟武術家Chris Collins(中)學搏擊。 (6/6)

  近年特訓成為打女嘅楊柳青(Wiyona),早排喺電影《洩密者們》飾演殺手大顯身手。外表強悍仍單身嘅佢話希望做個美女廚神,箍實男人個胃。日前,佢趁母親牛一嘅大日子去學整蛋糕。見打開功夫嘅Wiyona掃cream、批忌廉時雞手鴨腳又緊張大叫,睇怕揸鑊鏟都唔係咁啱佢囉! 採訪 ︰ 李維隆

  06年做model入行嘅楊柳青,其後被Paco(黃柏高)睇中簽約太陽娛樂文化,Wiyona為裝備好自己殺入影壇,走咗去學詠春,之後一路增值,由一個完全唔做運動嘅人,變成功夫、刀、槍、棍、策騎、射箭無一不曉。因為身手敏捷,早前有機會喺電影《洩密者們》飾演殺手,同一班大男人拳來腳往,大呼過癮。

  外剛內柔嘅Wiyona拍過十次拖現正單身,怕性格太男仔頭,想學廚將來可以做個溫柔賢妻。Wiyona就從簡單基本功開始,日前學整蛋糕,順道親手自製靚cakeO氹母。當日見佢喺一間新開嘅蛋糕學校內興奮出手,店內提供兩層蛋糕餅底,Wiyona先將忌廉打至起膠,然後將cream掃上一層餅底,均勻掃完再加多一層餅底繼續掃,務求將兩層蛋糕外表均勻塗上cream。最後在蛋糕上加啲糖珠或花餅做點綴,加埋個汽球和生日牌就大功告成。

  不過要Wiyona手定定掃cream好有難度,她笑說:「我個人唔夠細心又無乜心思,所以整嘢食要慢慢下苦功。好彩呢度係跟住app做,唔明白有師傅從旁指導,希望媽咪鍾意啦!」

其他文章
爆古惑佬Gay味濃 曾志偉讚錢嘉樂報導有Heart

由曾志偉、錢嘉樂、鄭伊健、陳小春、謝天華和林曉鋒主演的新戲《黃金兄弟》將於本周四上映。...

hd