首頁 日報娛樂

自資6位數出著作 劉佩玥追夢 唔怕蝕本

13/07/2018
■Moon在書中透露自己唔愛收兵,只係男仔頭跟男仔好投緣,如同兄弟一樣。
■Moon在書中透露自己唔愛收兵,只係男仔頭跟男仔好投緣,如同兄弟一樣。 (1/5)
■Moon的玉背真係幾吸引,又白又滑。
■Moon的玉背真係幾吸引,又白又滑。 (2/5)
■劉佩玥好重視處女著作,仲話如果反應好,出書可以持續落去,因為透過文字可以表達自己內心嘅一面。
■劉佩玥好重視處女著作,仲話如果反應好,出書可以持續落去,因為透過文字可以表達自己內心嘅一面。 (3/5)
■Moon唔想賣弄性感,所以書中嘅泳裝相好健康。
■Moon唔想賣弄性感,所以書中嘅泳裝相好健康。 (4/5)
■阿Moon連續駕車8小時去外景場地影相。
■阿Moon連續駕車8小時去外景場地影相。 (5/5)

  28歲TVB小花劉佩玥(Moon)為達成30歲前出書的夢想,自資6位數推出處女著作《我的微笑之道》,希望令讀者更透徹地了解她乖乖女以外的另一面,她笑住自爆:「其實我係叛逆女孩,絕對唔係《降魔的》啤啤及《城寨英雄》柯德莉咁斯文!」難得有自己的平台,Moon更會對被封為「TVB兵后」作註解,強調自己一直係男仔頭唔想「收兵」,字裏行間還會披露一些感情玄機。採訪:方騫平 化妝及髮型︰matt Lau @mattlau_makeup

  為要追夢,劉佩玥坦言今次去得好盡,結晶品由她一手一腳籌備,包括安排美國外景行程、服裝、開足幾個通宵寫稿、睇版、甚至做埋宣傳:「我帶埋化妝師及髮型師,三個人去咗洛杉磯、拉斯維加斯及紐約兩星期,其中一程車,來回都要揸足8小時,得我一個人有車牌係咁揸真係好甘,既然係自己揀嘅,一定要得。當到埗拉斯維加斯即爭取時間去大峽谷影相,雖然係好攰,但見到宏偉奇觀忍唔住眼濕濕。影咗好多相亦好靚,選擇困難症下揀咗200幾張相,且減到得返3萬字,嘔心瀝血之作只售138蚊,亦無諗過回本問題,因為今次係人生必定要做嘅事。

  人人夢想唔同,可能好多年輕人想投資買磚頭,但我性格固執,覺得有啲嘢要堅持唔好放棄,連老闆樂易玲都提示我話:『O依家睇書嘅人唔多,要三思而行!』但我叫佢畀機會我圓夢,佢嘅支持對我都係一個鼓勵,咁當然,我梗係希望唔好蝕本啦。」

唔想賣弄性感

  問她可會擔心要同性感寫真競爭?她即耍手擰頭:「完全唔係嗰回事,如果影寫真我就唔使花咁多時間寫字啦,不過,書中都有露背及半身泳裝相配合自述佛系感情世界嘅內文,咁做主要係帶出悠閒同舒適。她笑說:「連我朋友都話:『吓?啲泳裝相係咁㗎咋?睇你台慶晚裝仲好喎……』我堅持覺得藝人出書要賣弄性感同暴露嘅風氣唔好,泳裝相唔係書中重點推介,而係透過文字感情、將內心一面赤祼祼表達,其實文字都可以好性感。」



其他文章
香港電影未來靠佢哋 梁雍婷韋羅莎角色愈激愈好玩

演舞台劇逾十年的韋羅莎(Rosa)及今年有份角逐金像獎「最佳新演員」的梁雍婷(Rach...

hd