首頁 日報娛樂

拍《兄弟班》依據真實 陳友拆解溫拿千載不變之謎

13/07/2018
■林耀聲、吳鶴謙、陳家樂及王梓軒演出獲導演陳友讚好。
■林耀聲、吳鶴謙、陳家樂及王梓軒演出獲導演陳友讚好。 (1/6)
■左起:「阿強」林耀聲、「健仔」陳家樂、「阿倫」鄧加樂、「陳友」吳鶴謙及「阿B」于湉演繹了溫拿五虎的成長故事。
■左起:「阿強」林耀聲、「健仔」陳家樂、「阿倫」鄧加樂、「陳友」吳鶴謙及「阿B」于湉演繹了溫拿五虎的成長故事。 (2/6)
■老戲骨金燕玲及任達華演健仔父母,兩人望子成龍,反對兒子做band友。
■老戲骨金燕玲及任達華演健仔父母,兩人望子成龍,反對兒子做band友。 (3/6)
■樂隊Loosers有「阿叻」王梓軒常帶住兄弟「健仔」陳家樂走錯路,但卻擦出真友情。
■樂隊Loosers有「阿叻」王梓軒常帶住兄弟「健仔」陳家樂走錯路,但卻擦出真友情。 (4/6)
■溫拿五虎感情好好,友誼千載不變。
■溫拿五虎感情好好,友誼千載不變。 (5/6)
■當年眾人組成Loosers,後來「阿叻」王梓軒離隊才變成溫拿。
■當年眾人組成Loosers,後來「阿叻」王梓軒離隊才變成溫拿。 (6/6)

  由陳友自編自導及監製,歷時兩年編寫劇本的新片《兄弟班》以「溫拿樂隊」當年的奮鬥故事作藍本,陳友自爆無畀四虎睇過劇本,否則就拍不成:「一人一個意見部戲就會散晒,尤其阿倫實有好多意見,所以今次係冒咗個大險開拍,不過佢哋睇咗冇乜意見,唯一針對講阿倫、阿B走埠時有得住套房,三兄弟睇到酸溜溜,阿倫就反問番我一句:『係咪小器先?』電影核心都表達咗,做兄弟唔使講嘢,在心中,更何況係主辦安排㗎嘛。」採訪:方騫平

服裝:Neil Barrett(王梓軒)、ithk(林耀聲) 場地:1563 At The East Live House and Restaurant

  《兄弟班》由新人鄧加樂飾阿倫,阿B是于湉,陳友是吳鶴謙,阿強就由林耀聲主演,影壇新貴陳家樂演彭健新,至於王梓軒做阿叻,是溫拿樂隊的前身即Loosers主音。陳友表示,阿B、阿倫有型靚仔,不用寫太多,故戲中改由他與彭健新和阿強出發,他想站在弱者角度去寫他們的感情及共同成長的故事,故事全是依據事實。問到為何不提感情部份,是否他們較介意呢?他帶笑說:「我避重就輕唔答你呢個問題,因為情節橫跨40多年,根本冇空間寫,最後決定叫兄弟班唔講兒女私情。」

爆阿強真性情

  陳友指少年五虎及王梓軒都好稱職:「鄧加樂有阿倫細個嘅氣質;于湉左右單雙眼皮都有啲似阿B,但後來阿B割咗雙眼皮就唔知喇。阿謙純粹係鼓手無演戲經驗,但佢打鼓真係好得,所以加入好多solo場面;梓軒音樂造詣真係好高,幫我哋好多,尤其敲擊嗰場戲其實佢匿喺枱底做拍子機,等大家可以整齊咁打,佢嘅動力可以帶動到全班人;林耀聲好似阿強,淨係笑笑吓唔講嘢,其實阿強蠱蠱惑惑,佢個心好高傲睇你唔起㗎;陳家樂係好演員,睇佢喺電影《幸運是我》做金毛MK仔做得好好,不過佢擔心演健仔會太靚仔…」

健仔係改名王

  對「太靚仔」一事,家樂即否認:「我冇諗呢啲嘢,冇擔心過呀。不過,喺紅館拍時真係見到健仔,佢走埋嚟攬住我話:『我細個時就係咁㗎喇,跟住班親戚都語帶質疑走過嚟問:『你細個係咁㗎咩?』」語畢陳友大笑回應:「呢啲咪叫相由心生,我哋五個花名都係健仔改嘅,佢話我有電結他好沙塵所以叫我陳友,仲有哨牙倫、傻傻吓嘅傻B、成隻豬咁嘅豬頭強,我哋叫返佢做臭健。」

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd