首頁 日報娛樂

病瘉Fit爆 型男回歸 陳子聰 何超儀煙韌真人騷

13/07/2018
飽滿出巡
■變番Model嘅陳子聰喺愛妻超儀陪同下,靚仔晒man爆出街。超儀陪夫槽肥,亦有幸福肥。
飽滿出巡 ■變番Model嘅陳子聰喺愛妻超儀陪同下,靚仔晒man爆出街。超儀陪夫槽肥,亦有幸福肥。(1/8)
■二人婚後14年享受二人世界,超儀喺丈夫身邊最為溫柔,露出幸福笑容。
■二人婚後14年享受二人世界,超儀喺丈夫身邊最為溫柔,露出幸福笑容。(2/8)
面色紅潤
■紮起辮仔嘅子聰薄衫下身形甚fit,精神奕奕。
面色紅潤 ■紮起辮仔嘅子聰薄衫下身形甚fit,精神奕奕。(3/8)
糖黐豆 ■兩公婆好煙韌,子聰有老婆喺身邊,最有安全感。
糖黐豆 ■兩公婆好煙韌,子聰有老婆喺身邊,最有安全感。(4/8)
Model上身
■一舉手一投足,子聰都好有model功架。
Model上身 ■一舉手一投足,子聰都好有model功架。(5/8)
鬥畫功 ■早前,本報影到超儀夫婦行中環ifc,shopping過後二人童心未泯坐低甜蜜鬥畫功。
鬥畫功 ■早前,本報影到超儀夫婦行中環ifc,shopping過後二人童心未泯坐低甜蜜鬥畫功。(6/8)
16年10月
■出院後首現身嘅子聰,陪老婆去hmv買碟。身穿風褸遮纖瘦身軀嘅佢精神唔錯。
16年10月 ■出院後首現身嘅子聰,陪老婆去hmv買碟。身穿風褸遮纖瘦身軀嘅佢精神唔錯。(7/8)
「香港木村拓哉」 ■澳洲長大嘅陳子聰,憑6呎身高兼41吋胸肌,92年返港做model。其後跟超儀相戀,03年在澳洲舉行千萬童話婚禮。
「香港木村拓哉」 ■澳洲長大嘅陳子聰,憑6呎身高兼41吋胸肌,92年返港做model。其後跟超儀相戀,03年在澳洲舉行千萬童話婚禮。(8/8)

  兩年前,賭王何鴻燊女婿陳子聰曾同死神擦身而過,病重時愛妻何超儀對佢不離不棄兼照顧有加,二人患難更見真情,結婚14年愈嚟愈Sweet。日前傍晚,呢pair模範夫婦連體現身銅鑼灣,見紮辮人夫長肉好靚仔,戴上黑超仲星味十足。子聰又拖又攬老婆拍拖行希慎廣場嘅誠品書店。兩公婆沿途糖黐豆有傾有講,笑容一致,老夫老妻都好有戀愛modeO架!

        46歲嘅陳子聰,16年8月曾因肝腸重病入院,前後接受了兩次手術後大步檻過,戰勝死神嘅佢多得愛妻何超儀悉心照顧,康復神速。眨吓眼出院近兩年,子聰由暴瘦甩髮,槽肥後變番型男,連其妻都不禁甜笑大讚丈夫狀態回勇「O依家好靚仔,身形fit番晒!」仲有意幫honey復出接job。

甜蜜互動

  康復後嘅子聰不時被影到攬妻出街,恩愛放閃。日前傍晚6時,陳氏夫婦又黐到實行逛銅鑼灣。當日6呎子聰紮上辮仔戴黑超、束了少少鬍鬚,好man咁搭住老婆膊頭現身利園。平日喺台上唱歌霸氣十足嘅超儀,喺丈夫身邊最為溫柔。素顏超儀孭上潮袋與老公並肩行街,沿途二人滔滔不絕,又不時冧笑互望,非常幸福!兩人去咗希慎廣場誠品書店睇吓「精神食糧」。見子聰好珍惜同愛妻拍拖嘅溫馨時光,成日搭對方膊頭,就算愛妻行開睇書,子聰都要拉一拉老婆隻手,時刻都要黐到實,有老婆喺身邊,最有安全感。兜咗兩個圈,二人揭完日本立體書,再駐足揀吓筆記簿,見超儀揀簿時都愛問丈夫意見,然後揀了幾本就畀錢走人,再去附近餐廳撐枱腳。

採訪 ︰ 梁志明

其他文章
爆古惑佬Gay味濃 曾志偉讚錢嘉樂報導有Heart

由曾志偉、錢嘉樂、鄭伊健、陳小春、謝天華和林曉鋒主演的新戲《黃金兄弟》將於本周四上映。...

hd