首頁 日報娛樂

收4,000萬 監‧演《掃毒2》 劉德華復工開戲捱熱監督

18/07/2018
滴汗四圍走
■拍完一場嘅華仔無休息,熱到除褸滴汗,都要親身落場監督。華仔傷瘉復出拍戲,更打孖來參與兩套巨製,先拍《掃毒2》再拍《拆彈專家2》。 有指仲度緊期客串許鞍華新戲《花椒之味》。
滴汗四圍走 ■拍完一場嘅華仔無休息,熱到除褸滴汗,都要親身落場監督。華仔傷瘉復出拍戲,更打孖來參與兩套巨製,先拍《掃毒2》再拍《拆彈專家2》。 有指仲度緊期客串許鞍華新戲《花椒之味》。 (1/9)

  去年1月,劉德華(華仔)喺泰國拍廣告墮馬受傷,經過半年休養及復康治療,去年8月已逐步復工為電影配音、出席活動等。等咗年半,華仔早前強勢加盟邱禮濤執導嘅《掃毒2》。新片中,華仔除咗會火併古天樂,亦擔任監製一職。日前晚上,本報喺灣仔北直擊華仔正式復工開戲,當晚只需拍攝揸車靚仔樣嘅佢,成晚行來行去滴住汗督工,非常認真。最終華仔難頂高溫,除下西裝唞氣。

華仔Fans今年最期待嘅莫過於係偶像落實復工拍戲,兼籌備年底嘅跨年演唱會。早前,有指華仔收4千萬片酬,頂替《掃毒》三大主角之一嘅張家輝接拍新片兼任監製。日前晚上8時許,劇組喺灣仔分域碼頭街封路拍攝飛車槍戰戲。其中一個鏡頭是路上有6、7架車追逐過後撞到好混亂,演警察嘅陳家樂就持槍帶隊攝車罅去追人。人氣王陳家樂曾表示好開心新片能與偶像劉德華和古天樂合作,兩位偶像在場令佢腎上腺素上升。佢喺片中與衛詩雅拍檔做差人,連日通宵有多場飛車場面,衛詩雅大讚對手駕駛技術好。

陳家樂搏命槍戰

  見家樂揸槍七情上面衝入車陣,有偶像華仔在場監督,果然演技大爆發,兩、三take導演就滿意收貨。其後輪到飾演有黑社會背景嘅金融大亨華仔上場,型男穿上西裝淡定行入私家車,一Take搞掂啦,但要求高嘅華仔自動開口拍多take,睇完playback,同邱導笑笑口完美收貨。就算換景轉燈等,華仔都不時在場打點,孖住邱導行嚟行去講嘢,結果打晒燈嘅現場好鬼熱,華仔都要除褸唞吓氣。及至凌晨一時許,成team人休息放消夜,之後繼續開工,近清晨才收工。

採訪 : 李權威、梁志明

其他文章
拍《九龍不敗》嚇親 劉心悠 鄧麗欣讚張晉人品好又搞笑

  在陳果執導、張晉主演的武打動作新片《九龍不敗》中,劉心悠和鄧麗欣(Stephy)分別飾演富...

hd