首頁 日報娛樂

順產誕下八磅千金 陳倩揚爆老公重拾初戀

20/07/2018
■陳倩揚老公抱住「前世情人」一臉滿足。
■陳倩揚老公抱住「前世情人」一臉滿足。 (1/7)
■兩個哥哥好錫個妹,暫時未識呷醋。
■兩個哥哥好錫個妹,暫時未識呷醋。 (2/7)
■順產第二晚,倩揚即開live同支持者分享做媽媽心得。
■順產第二晚,倩揚即開live同支持者分享做媽媽心得。 (3/7)
■坐月餐以素食清淡為主導。
■坐月餐以素食清淡為主導。 (4/7)
■倩揚雖然唔係全素食者,但一向提倡多素少肉,她常在家中自製素食,圖中係焗咖哩素雞包,再加黑芝麻豆漿可烏髮補腎。
■倩揚雖然唔係全素食者,但一向提倡多素少肉,她常在家中自製素食,圖中係焗咖哩素雞包,再加黑芝麻豆漿可烏髮補腎。 (5/7)
■倩揚為小朋友飲食花盡心思,餐單都經過精心設計,包括有藜麥貓貓飯糰配煎蛋卷、味噌湯、抹茶牛奶及時令生果。
■倩揚為小朋友飲食花盡心思,餐單都經過精心設計,包括有藜麥貓貓飯糰配煎蛋卷、味噌湯、抹茶牛奶及時令生果。 (6/7)
■8磅重千金萬千寵愛,成家人對她如珠如寶。
■8磅重千金萬千寵愛,成家人對她如珠如寶。 (7/7)

  上周三(7月11日),34歲前港姐陳倩揚(Skye)順產誕下8磅千金,已育有兩子陳羲廷及陳羲穎的倩揚同老公以歡欣的心情迎接新成員來臨,不過她坦承兩公婆曾為育嬰問題有拗撬。產後她心情大靚,不停笑說:「我哋兩公婆見到妹妹就開心,尤其係老公對住『前世情人』冧到不得了,一家五口好溫馨好熱鬧,亦唔排除將來擴展到一家六口!」採訪:方騫平

  因為妹妹頭大,生產過程痛到暈,要老公一直陪伴同鼓勵,以及冷靜指導我呼吸及用力,所以傷口較細,相對復元比較快,產後翌晚夠精神開Live分享分娩經歷及心情。她笑說:「今次係超級痛,但老公喺身邊支持覺得好實在,呢份實在嘅愛更勝送禮物做獎勵。見到爸爸放工返屋企望住妹妹嘅冧樣係滿足同開心嘅,哈!兩個哥哥都黐我,佢終於有個小情人重拾初戀無限Touch感覺喇。(唔擔心失寵咩?)唔會,我都有兩個小情人啦,一家人嘛。」

每次生B要從新學習

  至於可會再追第4個?倩揚有所保留:「冇咁快決定,睇身體狀況,有冇心同力,有家庭成員加入係開心事,會做好三小孩嘅媽媽,努力做好呢份工先,做得好再作決定。」

  她又稱,每加入新家庭成員,父母都要從新學習,因為由四人變五人家庭,日程都唔同晒,不論分配時間、關心同愛心都要加倍做得更好,尤其細仔只得3歲唔太懂事,好容易以為失寵,所以每當妹妹乖乖入睡,她會將所有時間放在兩子身上,要多關注哥哥的情緒變化。

其他文章
丹爺邊拍邊畀意見 《大師兄》新演員瞓身演出

由「宇宙最強」甄子丹主演的新戲《大師兄》將於本周四上映。導演闞家偉率領戲中飾演學生的四...

hd