首頁 日報娛樂

拉隊到大灣區食平啲 肥媽爆6號 唔聽話見財化水

27/07/2018
■肥媽出錢在龍母廟買了串長炮仗,跟(左起)林泳淘、胡諾言和契仔陸浩明玩個痛快。
■肥媽出錢在龍母廟買了串長炮仗,跟(左起)林泳淘、胡諾言和契仔陸浩明玩個痛快。 (1/8)
■4人Chok住喺七星岩拍外景,節目將於9月24日起,周一至五晚上十時半播出。
■4人Chok住喺七星岩拍外景,節目將於9月24日起,周一至五晚上十時半播出。 (2/8)
■胡諾言、陸浩明和林泳淘大歎著名的豬雜粥消夜。
■胡諾言、陸浩明和林泳淘大歎著名的豬雜粥消夜。 (3/8)
■36D林泳淘穿露肩裝在七星岩前留倩影,一樣養眼。
■36D林泳淘穿露肩裝在七星岩前留倩影,一樣養眼。 (4/8)
■6號和肥媽介紹當地有名的茂源館牛腩河。食後肥媽嫌太韌,得個平字。
■6號和肥媽介紹當地有名的茂源館牛腩河。食後肥媽嫌太韌,得個平字。 (5/8)
■肥媽在台山拍攝時順道買樓,結果獲減20萬,以優惠價80萬人仔購入一個約千一呎單位作投資。
■肥媽在台山拍攝時順道買樓,結果獲減20萬,以優惠價80萬人仔購入一個約千一呎單位作投資。 (6/8)
■肥媽帶隊睇肇慶豪華獨立屋,最大單位賣400多萬人仔,不過就冇得做按揭。
■肥媽帶隊睇肇慶豪華獨立屋,最大單位賣400多萬人仔,不過就冇得做按揭。 (7/8)
■肇慶的三層高豪華獨立屋,樓內有私家電梯方便上落。
■肇慶的三層高豪華獨立屋,樓內有私家電梯方便上落。 (8/8)

  近年愛在內地買「磚頭」及北上消費的肥媽,眼見大灣區發展一日千里,更打算退休後去呢區生活,繼《食平D》系列後決定衝出香港,早前帶契仔陸浩明(6號)、胡諾言和林泳淘(Wingto)主持10集《大灣區活好D》,到肇慶、惠州、佛山、中山、江門、深圳睇樓盤、景點及介紹平靚正地道菜。肥媽還爆「契仔」6號唔聽佢意見,錯失買中山樓盤,結果大嗱嗱執少100萬呀!                 採訪:方騫平

(肇慶直擊)

  日前,肥媽帶隊到肇慶、順德4日3夜拍攝TVB全新節目《大灣區活好D》。眾人去了著名的龍母廟、七星岩取景,又食地道菜如豬雜粥、牛腩河、小店豆腐花、特色素菜及農家菜等,仲睇埋獨立屋及中產階層的樓盤,肥媽說:「我對呢度情有獨鍾,食住都平靚正,3蚊碗麵咋,最大碗嘅牛腩河都係13蚊人仔,好抵食。我哋喺酒樓食套餐,10位只需$1088,仲有牛鞭湯飲!幾補!」6號笑說:「你睇我行氣活血,無需要啦!」胡仔形容當撈起時見條牛鞭好長,林泳淘即驚叫,於是肥媽唯有叫老闆取走牛鞭,老闆反問話:「通常會剪開一碌碌咁食喎!」對此,鬼馬6號取笑肥媽:「阿媽打包拎返香港俾老公食喇!」肥媽即反擊:「你嘥料呀,唔好講生個仔俾我抱孫啦,你暗瘡都冇得生呀!」

睇樓團甩底

  肥媽仲踢爆6號早前唔聽佢話,有錢唔識賺:「我早年分別買咗廣州、中山公寓,O依家樓價升咗3倍。年幾前我book埋旅遊巴請埋身邊朋友去中山食飯兼睇樓,6號竟然臨時甩底,話剃鬚剃損咗個鼻流血不止,你信唔信呀!」不過,6號強調真有其事,嗰次嚇到即時求醫,驚流住血出唔到境。而肥媽致富心得係一定要投資磚頭:「當年我死慳死抵,用24萬買第一層樓大圍金獅花園,之後愈換愈大。女助手都受我感染,O依家中港手持4層樓。」

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd